باڵیۆز د. محەمەد سابیر: غیابی سەرۆك مام جەلال بە هیچ شێوەیەك لە عێراق پڕ‌نابێتەوە

باڵیۆز د. محەمەد سابیر، سەرۆكی دامەزراوەی سەرۆك جەلال تاڵەبانی لە ساڵیادی هەڵبژاردنی سەرۆك مام جەلال وەك یەكەم سەرۆك كۆماری كورد لە كۆشكی سەلام و تیپەڕبوونی هەژدە ساڵ بەسەر ئەو رۆژەدا  وتی: "سەرۆك مام جەلال بەڕ‌استی سەمامی ئەمان بوو نەك هەر بۆ كورد، بەڵكو بۆ هەموو عێراق، ئەو كێشانەی ئێستا عێراق و هەرێمی كوردستانی تێكەوتووە بە دڵنیاییەوە لە غیابی مام جەلالدا دروستبوون".
  
 سەرۆكی دامەزراوەی سەرۆك جەلال تاڵەبانی وتیشی :"غیابی سەرۆك مام جەلال بە هیچ شێوەیەك لە عێراق پڕ‌نابێتەوە، چونكە تێڕ‌وانینێكی واقعی بۆ بارودۆخەكان هەبوو، كە لە ناوخۆ و دەرەوەی وڵات سەركردەكانی دەكردە دۆستی خۆی و بەمەبەش بۆچوونی سەركردەكانی بەلای خۆیدا راكێشابوو".

 باڵیۆز د. محەمەد سابیر باس لە هەڵوێستەکانی سەرۆک مام جەلال دەکات لە بارەی مافی کوردەوە دەڵێت: "سەبارەت بە مافی كوردیش سەرۆك مام جەلال پێی وابووە هەتا وڵاتانی دراوسێ نەبنە وڵاتێك كە رێز لە مافی گەلان و مافی پێكهاتەكان بگرن سەربەخۆیی بۆ كورد بەدی نایەت، بۆ هەرێمی كوردستانیش وا باشترە لەگەڵ عێراق هاوبەش بێت".