پرۆژەی فۆتۆگرافی «چاوی شاری شاران» بۆ یادی ٢٤٢ ساڵەی سلێمانی

2026-11-15
رۆژی چوارشەممە رێکەوتی ٢٠٢٦/١١/١١، سلێمانی شاهیدی ساتێکی تایبەت بوو؛ ساتێک کە تێیدا چاوی هونەر، رۆحی شار و داهێنانی گەنجان لە چوارچێوەی کامێرا یەکدەگرن.
مەراسیمی خەڵاتپێدانی پرۆژەی فۆتۆگرافی «چاوی شاری شاران» بە ئامادەبوونی بەشداربووان و داهێنەرانی وێنەگری بەڕێوەچوو.

لەم پرۆژەیەدا، ١٨ بەشداربووی هەڵبژێردراو بە وێنە و دیدی تایبەتی خۆیان، جوانی و رەسەنایەتی شاری شاران لە روانگەیەکی جیاوازەوە خستەڕوو.

ئەم پرۆژەیە تەنها پێشبڕکێیەک بۆ وێنەگرتن نەبوو؛ بەڵکو دەرفەتێک بوو بۆ گەڕان بەدوای جوانییە شاراوەکان، تۆمارکردنی ساتە بەهادارەکان و بەرجەستەکردنی توانای هونەری گەنجان.
هەر وێنەیەک چیرۆکێکە، هەر چاوێک شار بە شێوەیەکی جیاواز دەبینێت.

پیرۆزبایی لە هەموو بەشداربووان و براوەکانی ئەم پرۆژەیە دەکەین، و سوپاس بۆ هەموو ئەو چاوانەی جوانیی شارەکەمان بە هونەر دەبینن.

پرۆژەی «چاوی شاری شاران» پرۆژەیەکی هاوبەشیی دامەزراوەی سەرۆک جەلال تاڵەبانی و مۆزەخانەی زاموایە.

زیاتر بخوێنەرەوە

Copyright © 2026 . PJT Foundation. All right reserved