پیرۆزبایی دامەزراوەی سەرۆک جەلال تاڵەبانی بەبۆنەی بیست و چوار ساڵەی دامەزراندنی دەزگای میدیایی کوردساتەوە

به‌بۆنه‌ی كوژانه‌وه‌ی مۆمی بیست و سێ ساڵە و داگیرسانی مۆمی بیست و چوار ساڵه‌ی ته‌مه‌نی كه‌ناڵه‌ جوانەکەی كوردسات-ە‌وه‌، جوانترین پیرۆزبایی له‌ به‌ڕێوه‌به‌ر، سەرجەم كارمه‌ندان و بینەرانی دەکەین و دروشمه‌ جوان و ماناداره‌كه‌ی (كوردسات ده‌نگی هه‌مووانه‌) ده‌ڵێنه‌وه‌ چونكه،‌ كوردسات ده‌نگی هەموو كوردانه‌.

لە ناخی دڵەوە جوانترین پیرۆزبایی ئه‌م رۆژه‌تان لێده‌كه‌ین، ئومێده‌وارین هه‌میشه‌ له‌ به‌رزی و لووتكه‌دا بتانبینین، دەستی ماندووبوونتان دەگووشین هەمیشە لە پێشەنگدابن و شانازی بە کارەکانی رابردووتانەوە دەکەین.

ناسنامەی کەناڵی كوردسات كە هەمیشە پێی دەناسرێتەوە گرنگیدانە بە فەرھەنگ، كەلتووری رەسەنی كوردەواری، راستگۆیی و متمانەی بینەرانی ئەم شاشە جوانەیە کە وای کردووە هەمووان بەدیارییەوە دانیشین و بێتە سەکۆی کۆکەرەوەمان.

لەم یادەدا ئەوەش لە بیرناکەین ئەم کەناڵە دیارییە جوانەکەی سەرۆک مام جەلال و هێرۆخانە بۆ شارە خۆشەویستەکەمان و هەموو کوردان بەردەوام شانازی پێوەدەکەین لەلایەکی دیکەوە رۆڵی گەورەی خاتوو هێرۆ ئیبراهیم ئەحمەد بەرز رادەگرین و رێزی لێ دەگرین بەبۆنەی هاوکارییە بەردەوامەکانی بۆ ئەم کەناڵە.

دووبارە یادتان پیرۆزبێت، هەمیشە سەرکەوتووبن، پشتیوانتانین ئاییندەتان پڕبێت لە کاری نوێ و جوان.

باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
١/١/٢٠٢٤