زانکۆی کۆیە دكتۆرای فەخری بەخشییە سەرۆك مام جەلال

رۆژی پێنجشەممە رێکەوتی 2015/10/8 سەرۆك مام جەلال، دامەزرێنەری زانکۆی کۆیە لە شاری سلێمانی بە گەرمی پێشوازی لە د. وەلی مەحمود، سەرۆكی زانكۆی كۆیە و وەفدێكی مامۆستایان و ئەنجومەنی زانكۆكە کرد بەبۆنەی یادی دامەزراندنی زانكۆی كۆیە و خولی دەرچوواندنی زانكۆ و بەخشینی دكتۆرای فەخری لە یاسادا بە بەڕێزیان.


سەرۆكی زانكۆی كۆیە بەبۆنەی یادی 12 ساڵەی دامەزراندنی زانكۆی كۆیەوە دەقی بڕیاری زانكۆ و حكومەتی هەرێمی كوردستانی خوێندەوە  دەربارەی بەخشینی بڕوانامەی دكتۆرای فەخریی لە یاسادا بە سەرۆك مام جەلال سەرباری ئەوەی بەڕێزیان پارێزەر و یاساناسە، ئەو بڕوانامەیەش لە پای  بایەخدانی بەڕێزیانە بەمافەكانی مرۆڤ و داكۆكیكردن لە یاسا و سەروەریی یاسادا.


لەو دانیشتنەدا سەرۆك مام جەلال وێڕای سوپاسگوزاری بۆ زانكۆكە لەپای بەخشینی ئەو بڕوانامەیەی كە پێی بەخشرا، ئومێدی سەركەوتن و پێشكەوتنی زیاتری بۆ زانكۆكە و مامۆستایانی  دەربڕی.