پیرۆزبایی دامەزراوەی سەرۆک جەلال تاڵەبانی بەبۆنەی هاتنەوەی جەژنی نەورۆز

بەبۆنەی هاتنەوەی جەژنی نەورۆز و سەری ساڵی نوێی کوردییەوە (٢٧٢٤)، گەرمترین پیرۆزبایی ئاراستەی گشت کوردستانييان دەکەین، هیوای ئاشتی و ئارامی بۆ هەموو لایەک دەخوازین.

جەژنی نەورۆز هەڵگری پەیامی ئازادی، ژیان و نوێبوونەوەیە، سیمبولی کۆتایهاتنی زوڵم و زۆردارییە، ئومێد دەکەین ئەم نەورۆزە ببێتە سەقامگیربوونی ئەمن و ئاسایش و یەکریزی نێوان لایەنە سیاسییەکان لەپێناو زیاتر خزمەتکردنی هاوڵاتییان و پاراستنی دەستکەوتەکانی هەرێمی کوردستان.

جەژنی نەتەوەیی نەورۆز و ساڵڕۆژی رزگاركردنی شاری كەركوكی خۆشەویست لە دەستی رژێمی بەعس لە کەرکوکییەکان و هەموو کوردێک پیرۆز دەكەین و هیوامان وایە نەورۆزی ئەمساڵ و ساڵانی ئایندە لە سایەی ئاشتی و ئازادی، بەیەكەوە بەسەر بەرین.

دووبارە جەژنی نەورۆز و سەری ساڵی کوردی لە هەموو لایەک پیرۆزبێت.



                                                                           باڵیۆز د. محەمەد سابیر
                                                           سەرۆکی دامەزراوەی سەرۆک جەلال تاڵەبان