پیرۆزبایی دامەزراوەی سەرۆک جەلال تاڵەبانی بەبۆنەی هاتنەوەی جەژنی چوارشەممەی سووری ئێزیدییەکان

بەبۆنەی هاتنەوەی سەری ساڵی ئێزدیی (چوارشەممەی سوور)ەوە، جوانترین و گەرمترین  پیرۆزبایی ئاراستەی خوشک و برا ئێزدییەکان لە کوردستان و عیراق دەکەین

هیوادارین جەژنی چوارشەممەی سووری ئەمساڵ سەرەتایەك بێت بۆ كۆتاییهاتنی سەرجەم ئازار و نەهامەتییەكانی ئێزیدییەکان و درووستکردنی گیانی پێکەوەژیانیان لەگەڵ سەرجەم پێکهاتەکان و ئایینزاکانی دیکەی هەرێمی کوردستان و عیراق و خێراترکردنی هەنگاوەكانی ئاوەدانكردنەوەی شەنگال ئەو شارۆچكە و گوندانەی ئێزدییەكانی تێدا نیشتەجێبوون، هەروەها ئاساییبوونەوەی ژیانیان لەسەر خاک و نیشتمانی خۆیان.

هیوادارین تاوان و کۆمەڵکوژییەکانی دژی بە ئێزیدییەکان بە جینۆساید بناسرێن لەلایەن رێکخراو و کۆمەڵگای نێودەوڵەتییەوە و زیانلێکەوتوان و کەسوکاری قوربانییەکانیان قەرەبووی ماددی و مەعنەوی  بکرێنەوە. 

دووبارە جەژنتان پیرۆز و جەژنی هێنانەدی ئاواتەکانتان بێت.



       باڵیۆز د. محەمەد سابیر
     سەرۆکی دامەزراوەی سەرۆک جەلال تاڵەبانی