شلێر شەهید غەفور ژاژڵەیی سەردانی دامەزراوەی سەرۆک جەلال تاڵەبانی دەکات

رۆژی چوارشەممە ٢١ی حوزەیرانی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی، لە ئۆفیسی سلێمانی پێشوازی لە شلێر شەهید غەفور ژاژڵەیی، ئەندامی سەرکردایەتیی یەکێتیی نیشتمانیی کوردستان و شاندی یاوەری کرد.

لە کۆبوونەوەیەکدا هەردوولا تاوتوێی پاراستن و کۆکردنەوەی ئەرشیفی سەرۆک مام جەلال -یان کرد، سەرۆکی دامەزراوەی سەرۆک جەلال تاڵەبانی باسی کار و چالاکییەکانی رابردووی دامەزراوەکە کرد، لای خۆشیەوە شلێر شەهید غەفور ژاژڵەیی ئامادەیی و هاوکاریی بۆ گەشەسەندنی دامەزراوەی سەرۆک جەلال تاڵەبانی دەربڕی.