پرسەنامەی دامەزراوەی سەرۆک جەلال تاڵەبانی بۆ کۆچی دوایی خاتوو ئان کلوید، ھاوڕێ و دۆستی کورد

دامەزراوەی سەرۆک جەلال تاڵەبانی پەیامێکی ھاوخەمی بۆ کۆچی دوایی "ئان کلوید" پەرلەمانتاری پێشووی پارتی کرێکارانی بەریتانیا دەردەبڕێت و دەڵێت؛ "خاتوو ئان کلوید، بە بەردەوام باشترین ھاوڕێ و دۆستی کورد بووە"

دەقی پەیامەکە...
بە ناوی دامەزراوەی سەرۆک جەلال تاڵەبانی، بە خەم و پەژارەییەکی زۆرەوە سەرەخۆشی و ھاوخەمی خۆمان دەردەبڕین بۆ کۆچی دوایی "ئان کلوید" پەرلەمانتاری پێشووی پارتی کرێکاران.

خاتوو ئان، بە بەردەوام باشترین ھاوڕێ و دۆستی کورد بووە، لە بەشێکی زۆری کاتە سەختەکاندا داکۆکی لە مافەکانی گەلی کورد کردووە لە عێراق، لە ھەمان کاتیشدا پشتگیری کورد و کوردوستان و مافی مرۆڤی کردووە بۆ ڕزگاربوون لە رژێمی دڕندەی سەدام حسین.
ساڵانێکی زۆر کاری بۆ مافەکانی ژن و بەدەستھێنانی کردووە و ھاوڕێیەتیەکی بەھێزی لەگەڵ سەرۆک جەلال تاڵەبانی ھەبووە، لەماوەی کارکردنیشیاندا بە بەردەوامی بیروڕاکانیان دەربارەی سیاسەت و رووداوەکان لە کوردستان و عێراق ھاوبەشی پێکردووە.
لە دەستدانی خاتوو ئان بۆ کورد و کوردستان دڵگرانییەکی گەورە و لەبیرنەکراوە، بۆ ھەمیشە لە ھزر و دڵماندا دەمێنێتەوە.
لەم کاتە سەختەدا، دڵسۆزی و ھاوخەمی خۆمان دەردەبڕێن بەھیواین خوای گەورە بە بەھەشتی بەرینی شادبکات.

لەگەڵ دڵسۆزیمان 

د. محەمەد سابیر ئیسماعیل
سەرۆکی دامەزراوەی سەرۆک جەلال تاڵەبانی 
٢٥/٧/٢٠٢٣