باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی رۆژی دووشەممە ریکەوتی ٧/٨/٢٠٢٣ لە شاری بەغدا سەردانی بەڕێز د. موحسین مەندەلاوی، جێگری یەکەمی سەرۆکی ئەنجومەنی نوێنەرانی عێراقی کرد.

لە دیدارێکدا باڵیۆز د. محەمەد سابیر؛ رایگەیاند:

"وەک دامەزراوەی سەرۆک جەلال تاڵەبانی، چاومان لە درووستکردنی پەیوەندیی بەهێزە لەگەڵ رێکخراو و دامەزراوە هاوشێوەکان لە بەغدا و تەواوی عێراق، باسی لەوەشکرد لەماوەی چەند مانگی رابردووی کارکردنی دامەزراوەکە کارمان لەسەر بەتینی پەیوەندیی زانستی لەگەڵ زانکۆکان بە گشتی کردووە".

راشیگەیاند: "دەمانەوێت لەسەر ئاستی عێراقدا خزمەتی زانستی، رۆشنبیری و کولتووری بکەین" هەر لەدیدارەکەدا سەرۆکی دامەزراوەی سەرۆک جەلال تاڵەبانی؛ سوپاسی جێگری یەکەمی سەرۆکی ئەنجومەنی نوێنەرانی عێراقی کرد؛ وەک وەفادارێک سەرەڕای ئەرکە زۆرەکانی؛ هاوکار و هەماهەنگی سەرخستنی کارەکانی دامەزراوەی سەرۆک جەلال تاڵەبانییە.

لای خۆیەوە بەڕێز د. موحسین مەندەلاوی خۆشحاڵی خۆی دەربڕی بەسەردان و بەسەرکردنەوەی سەرۆک و وەفدی دامەزراوەی سەرۆک جەلال تاڵەبانی؛ باسی لەوەشکرد، لای خۆیەوە بەردەوام هاوکار و هەماهەنگی بەرنامە و چالاکییەکانی ئاییندەی دامەزراوەی سەرۆک جەلال تاڵەبانی دەبێت.