باڵیۆز د. محەمەد سابیر پێشوازی لە سەرپەرشتیاری هۆڵە ئەرشیفکراوەکەی سەرۆک مام جەلال لە شاری کۆیە دەکات

رۆژی چوارشەممە ۲٠ی ئەیلولی ٢٠٢٣ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە مامۆستا ئاشتی رەفیق، سەرپەرشتیاری هۆڵە ئەرشیفکراوەکەی سەرۆک مام جەلال لە شاری کۆیە کرد.

مامۆستا ئاشتی رەفیق بەشێک لە وێنە، دەستنووس و کەلوپەلە ئەرشیفکراوەکانی سەرۆک مام جەلالی پێشکەش بەشی ئەرشیفی (ناوەندی مۆزە) دامەزراوەی سەرۆک جەلال تاڵەبانی کرد. دامەزراوەکەش سوپاس و پێزانینیان ئاراستەکرد و کارەکەیان بەرزنرخاند.

دامەزراوەی سەرۆک جەلال تاڵەبانی رایدەگەیەنێت پێشوازی لە هەر کەس و لایەنێک دەکەین کە هەر ئەرشیفێکی تایبەت بە سەرۆک جەلال تاڵەبانی و خانەوادەکەی لایە دەتوانێت پێشکەشی دامەزراوەکەی بکات و بە ناوی کەسەکەوە تۆمار دەکرێت و سوپاس و پیزانینی ئاراستە دەکرێت.