پیرۆزبایی دامەزراوەی سەرۆک جەلال تاڵەبانی بەبۆنەی رۆژی جیهانیی کرێکارانەوە

لە یەكی ئایار، رۆژی جیهانیی کرێکاراندا، پیرۆزبایی گەرم لە كرێكارانی کوردستان و عیراق و جیهان دەكەین.هیوای سەلامەت و بەرجەستەبوونی مافەکانیان بۆ دەخوازین،  پێگە و ڕۆڵی کرێکاران لە گەشە، بنیادنانی وڵات و پێشکەوتندا لە هەردوو کەرتی گشتی و کەرتی تایبەتدا گرنگ و کاریگەرە وەک چینێکی بوونیاتنەر و بەرھەمھێن هەژماردەکرێت.

پێویستە سەندیکای کرێکاران سەرسەختانەتر داکۆکی لەسەر ماف و داخوازییەکانیان کرێکاران بکات، ئێمەش پێداگری تەواو دەکەین لە بەدەستهێنانی مافەکانی کرێکاران باشکردنی ژیان و گوزەرانیان لەڕێگەی دەرکردنی یاسا شایستە بە ژیانیان و سەلامەتی و رەچاوکردنی کاتژمێرەکانی کارکردن، بەڵام تا ئێستا هەلومەرجی کار و سەلامەتی ژیان و ئاستی گوزەرانیان بە ئەندازەی کۆششی ئاوەدانی و کاری جوانیان نییە، ئەو یاسایانەی لەبارەیانەوە دەرچوون وەک خۆی جێبەجێ ناکرێت.


درود و سڵاو بۆ گیانی پاکی ئەو کرێکارانەی لە پێناو ئاوەدانی بنیاتنانەوەی وڵات لە مەیدانی کار گیانیان بەخشیوە.

          باڵیۆز، د. محەمەد سابیر        
 سەرۆکی دامەزاوەی سەرۆک جەلال تاڵەبانی