قاسم ئەعرەجی: مام جەلال فریادڕەسی عیراقییەكان بوو

راوێژكاری ئاسایشی نەتەوەیی عیراق سەردانی مەزاری سەرۆك مام جەلالی كرد و مامی بە سەركردەیەكی شۆڕشگێڕ و فریادڕەس ناوبرد.

بەڕێز قاسم ئەعرەجی، راوێژكاری ئاسایشی نەتەوەیی عیراق لە دەباشان سەردانی مەزاری سەرۆك مام جەلالی كرد و بە میدیاكانی راگەیاند:

"خۆشحاڵم ئەمڕۆ لە سلێمانی سەردانی مەزاری سەرۆك مام جەلال-م كرد و هەموو عیراقییەكان مام جەلال-یان وەك سەركردەیەكی شۆڕشگێڕ و فریادڕەس ناسیوە".

راوێژكاری ئاسایشی نەتەوەیی عیراق لە سەردانەكەیدا بۆ سەر مەزاری سەرۆك مام جەلال لە دەفتەری یادەوەرییەكاندا نووسی:

"سەرۆك مام جەلال لەپێناو بەرژەوەندی عیراق و یەكپارچەیی خاكەكەی و گەلەكەی كاری دەكرد و هەوڵی گەورەیدا بۆ كۆكردنەوەی لایەنەكان و یەكخستنیان لە رووبەڕوبوونەوەی قەیرانەكان".

"بە مەبەستی كۆبوونەوەمان لەگەڵ بەڕێز بافڵ جەلال تاڵەبانی، سەرۆكی یەكێتیی نیشتمانیی كوردستان سەردانی سلێمانیمان كردووە، بە مەبەستی لێكنزیك بوونەوەی زیاتر و بەهێزكردنی پەیوەندیی نێوانمان، هەروەها بۆ چاودێریكردنی ئەو پەیوەندییە ئەمنییەیە كە لەنێوان عیراق و كۆماری ئیسلامیی ئێراندا هەیە" قاسم ئەعرەجی وادەڵێت.