پرسەنامەی دامەزراوەی سەرۆک جەلال تاڵەبانی بۆ بەڕێز د. محەمەد حەسیب، سەرۆکی زانکۆی کۆیە

برا و هاوڕێی بەڕێزمان د. محەمەد حەسیب
‎بەنیگەرانی و داخێكی زۆرەوە هەواڵی کۆچی دوایی خاتوو (تەمینە محەمەد قادر)، دایکی بەڕێزت و دایكی هەردوو شەهیدی رێگەی رزگاریی کوردستان (شەهید کامەران و شەهید مەریوان)ــمان پێگەیشت لە دڵەوە غەمباربووین بە ژیانئاوایی.

‎بۆ ئەم خەمە گەورەیە پرسە و ماتەم و هاوخەمیی قووڵی خۆمان ئاراستەی بەڕێزت و هەموو ئەندامانی خانەوادە سەربەرزەکەتان دەكەین.

‎لە خوای گەورە داواکارم خاتوو تەمینە بە بەهەشتی بەرین شادبکات و سەبووری بەهەموولایەک ببەخشێت و دوا ناخۆشی خانەوادەکەتان بێت.
 
انا لله وانا الیە راجعون

باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی