باڵیۆز د. محەمەد سابیر و باڵیۆزی ئیمارات لە عیراق جەخت لەسەر رەخساندنی دەرفەت بۆ هاوکاریی هاوبەش لەبواری گەشەپێدانی مرۆیی دەکەنەوە

ڕۆژی دووشەممە ٢٠ی ئایاری ٢٠٢٤، باڵیۆز، د. محەمەد سابیر، سەرۆکی دامەزراوەی سەرۆک جەلال تاڵەبانی و شاندی یاوەری سەردانی باڵیۆزخانەی میرنشینە یەکگرتووەکانی عەرەبییان کرد لە بەغدای پایتەخت و لەلایەن باڵیۆز سالم عیسا ئەلزەعابی، باڵیۆزی ئیمارات لە عیراق پێشوازییان لێکرا.
 
باڵیۆز، د. محەمەد سابیر باسی لە دامەزراوەی سەرۆک جەلال تاڵەبانی کرد و وتی: " دامەزراوەی سەرۆک جەلال تاڵەبانی، دامەزراوەیەکی سەربەخۆی رۆشنبیری و کولتوورییە و لە هەرێمی کوردستان و عیراق تۆمارکراوە، بڕوامان وایە باشترین کار کاری هاوبەشە و دەرفەتێکە بۆ خزمەتکردن شان بەشانی رێکخراوەکانی دیکە".

هەردوو باڵیۆز باسیان لە تەرخانکردنی ژمارەیەک کورسیی خوێندنی باڵا بۆ خوێندکارانی عیراق (ماستەر و دکتۆرا ) لە ئیمارات کرد لە چەند بوارێکدا.

سەرۆکی دامەزراوەی سەرۆک جەلال تاڵەبانی و باڵیۆزی ئیمارات لە عیراق جەختکردنەوە لەسەر کاریپیکەوەیی و دەرفەت بۆ گەنجان بۆ هاوکاری هاوبەش لە بواری گەشەپێدان، باڵیۆزی ئیمارات بە ڵێنی هەماهەنگی و هاوکاریکردن بۆ دامەزراوەی سەرۆک جەلال تاڵەبانی دەڕەخسێنێت و  بە بانگهێشتکردنی دامەزراوەکە بۆ ئیماراتی یەکگرتووی عەرەبی و ئەنجامدانی لێکتێگەیشتن لە نێوان دامەزراوە و ڕێکخراوەکانی هاوشێوەی.