سەرۆکی دامەزراوەی سەرۆك جەلال تاڵەبانی و لێپرسراوی ناوەندی کاروباری یاسایی یەكێتیی نیشتمانیی كوردستان کۆبوونەوە

رۆژی چوارشەممە ١٢ی حوزەیران ٢٠٢٤ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە بەڕێز تەلار لەتیف، لێپرسراوی ناوەندی کاروباری یاسایی یەكێتیی نیشتمانیی كوردستان و شاندێکی یاوەری كرد.

لە دیدارێکدا هەردوولا هاوڕابوون لەسەر بەردەوامی و هەماهەنگی زیاتر بۆ فراوانبوونی پلان و چالاکییەکانی دامەزراوەی سەرۆک جەلال تاڵەبانی، لەلایەکی دیکەوە لێپرسراوی ناوەندی کاروباری یاسایی یەكێتیی نیشتمانیی كوردستان
ئامادەیی و هاوکاریی خۆی بۆ پەرەپێدانی دامەزراوەکە و پاڵپشتی بۆ هەموو کارێکی یاسایی بۆ بەرەپێشچوونی دامەزراوەکە دەربڕی، دامەزراوەکەشی بە گرنگییەکی ئەم قۆناغە وەسف کرد.