دامەزراوەی سەرۆک جەلال تاڵەبانی هاوبەشیی سەرەکییە لە یەکەمین سیمپۆزیۆمی نێودەوڵەتی (کورد لە ئەرشیفی ئەوروپیدا) 

سنتەری توێژینەوەی زانستی زانکۆی هەڵەبجە بەهاوبەشی دامەزراوەی سەرۆک جەلال تاڵەبانی  یەکەمین سیمپۆزیۆمی نێودەوڵەتی (کورد لە ئەرشیفی ئەوروپیدا) لە شاری بەرلینی ئەڵمانیا ئەنجامدا.

ئامانجی سەرەکی ئەم سیمپۆزیۆمە دانانی نەخشە ڕێگایە بۆ کۆکردنەوەی سەرجەم ئەو بەڵگەنامانەی کە پەیوەندی بە کوردو کوردستانەوە هەیە، تا بتوانین وەک سەرمایەیەکی نیشتیمانی و لە چوارچێوەی ئەرشیفی نیشتیمانیدا بپارێزرێن،  دامەزراوەی سەرۆک جەلال تاڵەبانی لە سۆنگەی گرنگیدانی سەرۆک  جەلال تاڵەبانی بە مێژوو سەرچاوە بەڵگەنامەییەکان، هاوکارو هاوبەشە بۆ سەرخستنی ئەم پڕۆژە نیشتیمانییە.