پرسەنامەی باڵیۆز د. محەمەد سابیر بەبۆنەی کۆچی دوایی دکتۆر ئەرجومەند سدیق-ەوە

زۆر بەڕێز/ هانا خان هاوسەری هاوڕێی تەمەنم کاک دکتۆر ئەرجومەند
بەداخ و پەژارەیەکی یەکجار زۆرەوە  هەواڵی کۆچی دوایی هاوڕێی خۆشەویستم کاک دکتۆ  ئەرجومەندم پێگەیشت بەڕاستی دڵی تەزاندم، چونکە کاک دکتۆر ئەرجومەند راستە هاوسەر و خۆشەویستی بەڕێزتان بوو، بەڵام بۆ من برایەک، هاوخەبات و تێکۆشەری دێرین بوو، بەشی زۆری ژیانی لەپێناو کوردایەتی و گەلی کوردستان بەسەربرد هەر لەسەردەمی لاوێتییەوە زۆر چالاکانە و بێ گوێدانە هیچ مەترسییەک و ئێش و ئازارێک یەکێک بوو لە سەرقافلەچییەکانی رێگەی خەبات و لە پێشەوەی رێزەکانی لە خەباتی بێوچان و بەردەوامدا بوو لە رێزەکانی پارتی دیموکراتی کوردستاندا تا سەرەتاکانی ساڵەکانی شەستەکان و پاشان رۆڵی گەورەی بینیوە لە هەستانەوەی خەباتی گەلەکەمان پاش ئا بەتاڵ و لە دامەزراندنی یەکێتیی نیشتمانیی کوردستاندا و شۆڕشی نوێ گەلەکەماندا لە ساڵی  ١٩٧٥تاکۆتایی ژیانی بە دڵسۆزی مایەوە لە ریزەکانی (ی. ن. ک.)دا ماوەیەکی زۆریش لە کۆنفرانسەکانی یەکێتی لە دەرەوەی وڵات بە ئەندامی کۆمیتەی ئەوروپا هەڵبژێردرا وەک ئەندامی کارگێڕی لقی ئەوروپا، بەوپەڕی چالاکی لە خۆبووردنەوە ئەرکەکانی خۆی ئەنجامداوە هەتا دوایی ساڵی ٢٠٠٣ لە پرۆسەی ئازادیدا و پاشانیش گەڕایەوە کوردستان بوو بە عەمیدی کۆلێجی ئەندازیاری لە زانکۆی سلێمانی زۆر بە دڵسۆزی کارەکانی ئەنجامداوە تا کاتی خانەنشینبوون و دوا ساتەکانی ژیانی بەدڵسۆزی مایەوە بۆ گەل و نیشتمانەکەی و خیزانەکەی زۆر جێی داخێکی گەورەیە بۆ بەندە و هەموو هاورێکانی و گەلی کوردستان و خەسارەتێکی گەورەبوو لە یەکێتی و گەلەکەمان کەوت دڵنیام ناوی کاک دکتۆر ئەرجومەند بە زیندوووی دەمێنێتەوە لای هاورێکانی و خەباتکەران گەلەکەمان و یەکێتی.

 مەخابن، سەد مەخابن بۆ کۆچی دوایی ئەو کەڵە پیاوە تێکۆشەرەی گەلەکەمان، گیانی کاک ئەرجومەند ئارام بێت و رۆحی شاد بێت، خوای گەورە سەبوووری ئێوەی بەڕێز و هەمووان بدات و دوواناخۆشیتان بێت.

برا و هاوڕێی دڵسۆزی کاک دکتۆر ئەرجومەند، باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی