پیرۆزبایی دامەزراوەی سەرۆک جەلال تاڵەبانی بەبۆنەی ٣٣هەمین ساڵیادی دامەزراندنی کەناڵی گەلی کوردستان-ەوە

بەڕێز/ دڵبەند مستەفا، بەڕێوەبەری کەناڵی گەلی کوردستان
بەڕێزان/ بێژەران، رۆژنامەنووسان و کارمەندانی کەناڵی گەلی کوردستان
بەبۆنەی ٣٣هەمین ساڵەی دامەزراندنی کەناڵی گەلی کوردستان، کەناڵی دایک گەرمترین و جوانترین پیرۆزبایی ئاراستەی ئێوەی بەڕێز دەکەین.
دەخوازم لەساڵی نوێی تەمەنی کەناڵی گەلی کوردستان بە پرۆژە، کار و بەرنامەی نوێ درێژە بە خزمەتی میدیایی بدەن، ئەم کەناڵە بە تەکنیک و هونەرێکی جوانەوە دەرخەری ناوی پێشمەرگە و دەنگ و پەیامی هەموو کوردێک بووە لە رابردوودا ئێمەش هەمیشە شانازیتان پێوە دەکەین بە بوون و ناوتان.
كە‌ناڵی گە‌لی كوردستان وە‌ك یە‌كە‌مین كە‌ناڵی كوردیی بینراو و بیتسراو دوای راپە‌ڕین لە‌نێو خەم و ئازاری خە‌ڵكی كوردستان دامەزرا و لەو روانگەیەوە کارە میدیاییەکانی بەردەوامە بۆ خزمەتی هاوڵاتییان، بووەتە مێژوویە‌كی پڕ لە‌ سە‌روە‌ری‌‌ و جێگەی شانازیمانە، ئەم کەناڵە توانیویەتێ ببێتە کەناڵی هەموو دەنگ و رەنگە جیاوازەکان ئەمەش وای کردووە لەنێو ماڵی هەمووان بەردەوام کراوەبێت.
کەناڵی گەلی کوردستان تۆمارکەری خەباتی یەکێتیی نیشتمانیی کوردستانە، ئەوەش لە بیرناکەین ئەم کەناڵە دیارییە جوانەکەی سەرۆک مام جەلال_ە  کە کردیە قوتابخانە بۆ پێگەیاندنی میدیاکاران.
هیوای سەرکەوتن بۆ تەواوی ستافەکەتان دەخوازین، ئومێدەکەین ساڵانی نوێتان پڕبێت لە کاری جیاواز و جوان لە چوارچێوەی کاری راگەیاندن

دووبارە پیرۆزە ساڵیادی دامەزراندنی کەناڵی گەلی کوردستان...

   باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی