باڵیۆز د. محەمەد سابیر پێشوازی لە د. لاڤە ئاراس دەکات

رۆژی سیشەممە ١٧ی ٩ی ٢٠٢٤ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە د. لاڤە ئاراس، پسپۆڕی ئابووری و کاندیدی كێتیی نیشتمانیی كوردستان لە بازنەی سلێمانی بۆ خولی شەشەمی پەرلەمانی کوردستان كرد.

لە دیدارێکدا هەردوولا هاوڕابوون لەسەر بەردەوامی و هەماهەنگی زیاتر بۆ فراوانبوونی پلان و چالاکییەکانی دامەزراوەی سەرۆک جەلال تاڵەبانی.

 لەلایەکی دیکەوە ئەو پسپۆڕە ئابوورییە ئامادەیی و هاوکاریی خۆی بۆ پەرەپێدانی دامەزراوەکە و پاڵپشتی بۆ هەموو هەنگاوێک کە ئامانج لێی بەرەپێشچوونی دامەزراوەکە بێت بە ئاراستەی خزمەتکردنی هەمووان لەسەر شوێنپێ سەرۆک مام جەلال، د. لاڤە ئاراس دامەزراوەکەشی بە گرنگییەکی ئەم قۆناغە وەسف کرد و کار و  چالاکییەکانی دامەزراوەکەی لە ماوەکانی رابردوو بەرز هەڵسەنگاند.