سودانی: خەباتی سەرۆك جەلال تاڵەبانی لەدژی ستەم و دیكتاتۆرییەت بوو

لە حەوتەمین ساڵیادی ماڵئاوایی سەرۆك مام جەلالدا، محەمەد شیاع سودانی سەرۆك وەزیرانی عیراق پەیامێكی بڵاوكردەوە.

سودانی لە پەیامەكەیدا دەڵێت: "رۆڵی سەرەكی و شەرەفمەندانەی سەرۆك جەلال تاڵەبانی بە بیردێنینەوە لە خەباتی دژ بە ستەمكاری و دیكتاتۆرییەت بە درێژایی دەیان ساڵ، ھەروەك چۆن ر‌ۆڵی دیارو بەرچاوی بەبیردێنین شانبەشانی كەسایەتی و ھێز و لایەنە نیشتمانییەكانی عیراق، لەدامەزراندنی عیراقێكی دیموكراسی و فیدراڵی و دەستووریدا". 

سودانی ئاماژەی بۆ ئەوەشكردووە: "مام جەلال كاریگەرییەكی زۆرو جێپەنجەیەكی ر‌وونی ھەبوو لەبەھێزكردنی ر‌یزەكان و پتەوكردنی یەكگرتوویی نێوان رۆڵەكانی گەلەكەیان لەھەموو مەزھەبەكان و چەسپاندنی چەمكەكانی پێشخستنی بەرژەوەندی نەتەوەیی بەسەر ھەر بەرژەوەندییەكی حزبی یان كوتلەیی، ئەوەش ئەو رێبازەیە كە  ئێمە تائێستا لەھەموو لایەنەكانی كاری سیاسی و بەرنامەی حكومەتدا سودی لێوەردەگرن، ئەمڕۆش دڵنەواییان ئەوەیە كە ئەو پرەنسیپ و بەھایانەی كە مام جەلال بەشداریكرد لە بەھێزكردنی، بوونەتە ھێمای عیراقێكی سەقامگیر و بەھێز و دەروازەیەك بۆ خزمەتكردنی گەلەكەیان لە ھەموو ناوچەكانی عیراق".