دامەزراوەی سەرۆک جەلال تاڵەبانی پیرۆزبایی لە زانکۆی سلێمانی دەکات بە بۆنەی بەدەست هێنانی پلەی یەکەم لەنێوان زانکۆکانی عێراق و کوردستان

     بە ناوی دامەزراوەی سەرۆک جەلال تاڵەبانییەوە پیرۆزبایی گەرم ئاڕاستەی زانکۆی سلێمانی و سەرۆکی زانکۆ و سەرجەم مامۆستایان و فەرمانبەران دەکەین بە بۆنەی بەدەستهێنانی پلەی یەکەم لەسەر ئاستی عێراق.
هیوادارم زانکۆی سلێمانی (زانکۆی دایک) هەردەم پێشەنگ بێت  لە بواری ئەکادیمی و توێژینەوەو هەموو بوارەکانی دیکەدا،  و ببێتە نموونە بۆ سەرجەم زانکۆکانی کوردستان و عێراق. ئەم دەستکەوتە زۆر گرنگە بۆ هەموو کوردستان بە گشتی و بۆ شاری سلێمانی بە تایبەتی و جێی شانازییە زانکۆیەك لە کوردستان بتوانێت بگات بەو ئاستە بەرزە لە ماوەیەکی دیاریکراودا و پلەبەندی بگاتە ١٠٠١-١٢٠٠ بۆ ساڵی ٢٠٢٥ لە سەر ئاستی زانکۆکانی جیهان بە پێی  (Times Higher Education).
     دووبارە پیرۆزبایی لە ئەنجومەنی زانکۆی سلێمانی و سەرجەم ستافی زانکۆکەتان دەکەین و هیوای سەرکەوتنیان بۆ دەخوازین و دەستی ماندووبوونیان دەگوشین.
لەگەڵ رێزدا...

باڵێۆز د. محمد سابیر اسماعیل                           
سەرۆکی دامەزراوەی سەرۆک جەلال تاڵەبانی