کونسوڵی گشتیی چین سەردانی مەزاری سەرۆک مام جەلال دەکات

رۆژی هەینی رێکەوتی  ۲۹ی نۆڤەمبەری ۲۰۲٤، باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی لەسەر مەزاری سەرۆک مام جەلال بە ئامادەبوونی مەکتەبی سکرتارییەتیی سەرۆک مام جەلال پێشوازی لە لیو جیون، کونسوڵی گشتیی کۆماری چین لە هەرێمی کوردستان کرد.

 کونسوڵی گشتیی چین دوای دانانی تاجە گوڵینەی رێز، وەفا و هاوڕێیەتی گەلی چین لەسەر مەزاری سەرۆک مام جەلال لە تیانووسی  یادەوەرییەکاندا بە گرنگییەوە ئاماژەی بە رۆڵی سەرۆک مام جەلال لە عیراق، هەرێمی کوردستان و جیهان کرد لە درووستکردنی پەیوەندیی پتەوی نێوان گەلی کورد و کۆماری گشتیی چین و گەلانی دیکە

 سەرۆکی دامەزراوەی سەرۆک جەلال تاڵەبانی  و مەکتەبی سکرتارییەت سوپاسی وەفاداریی چینی میللی و کونسوڵی گشتیی چین-یانکرد و دووپاتیان لە پەرەپێدانی پەیوەندییەکانی نێوان هەردوولا کردەوە.