جێگرانی رێکخراوە ناحکومییەکانی عیراق و هەرێمی کوردستان سەردانی مەزاری سەرۆک مام جەلال دەکەن

رۆژی دووشەممە رێکەوتی ٢٠٢٤/١٢/٢  بەڕێز د. ئەحمەد ئەلغالبی،  جێگری رێکخراوە ناحکومییەکانی  عیراق و هەردی ئەحمەد، جێگری سەرۆکی فەرمانگەی رێکخراوە ناحکومییەکانی هەرێمی کوردستان سەردانی مەزاری سەرۆک مام جەلال-یان کرد و لە لایەن بەڕێز یوسف زۆزانی، جێگری سەرۆکی دامەزراوەی سەرۆک جەلال تاڵەبانی و مەکتەبی سکرتارییەتیی سەرۆک مام جەلال پێشوازیان لێکرا.

دوای دانانی تاجە گوڵینەی رێز و وەفا و خوێندنی سورەتی فاتیحا لە دەفتەری یادەوەرییەکاندا بە گرنگییەوە باسیان لە هەنگا و پلانەکانی سەرۆک مام جەلال  له بوونیادنانەوەی عیراقی نوێ و پشتگیرکردنی لەکاری رێکخراوەیی و کۆمەڵگەی مەدەنی کە هەمیشە رێنیشاندەر و هاریکار بوو بۆ سەرخستنی کاری رێکخراوەکان.

لەلایەن بەڕێز یوسف زۆزانی-یەوە وتەیەک پێشکەشکرا و باسی رۆڵ و دنیابینینەکانی سەرۆک مام جەلال-ی کرد و رۆڵی لە هاوکاریکردن و یارمەتیدانی رێکخراوەکانی کۆمەڵگەی مەدەنی، باسی لەوەشکرد مێژووی مام جەلال بۆ هەمووان جێگەی شانازییە.