پیرۆزبایی دامەزراوەی سەرۆک جەلال تاڵەبانی بەبۆنەی هاتنەوەی جەژنی نەورۆز

وەک پیرەمێرد دەڵێت‌:
ئەم رۆژی، ساڵی تازەیە نەورۆزە ھاتەوە
جەژنێکی، کۆنی کوردە بە خۆشی و بە ھاتەوە

بەبۆنەی هاتنەوەی جەژنی نەورۆز و سەری ساڵی نوێی کوردییەوە (٢٧٢٥)، گەرمترین پیرۆزبایی ئاراستەی سەرجەم هاوڵاتییانی هەرێمی کوردستان و کەسوکاری شەهیدان دەکەین، لەم رۆژە پیرۆزەدا ھیوای ژیانێکی پڕ بەختەوەریی و ئومێدی سەلامەتی و تەندروستییەکی باش بۆ هاوڵاتییان دەخوازین. ئاشتی و ئارامی باڵبکێشێت بەسەر وڵاتماندا.
جەژنی نەورۆز؛ نوێبوونەوە، هێمای تەبایی، یەکگرتن، یەکڕیزی، سەرکەوتن و پەیامی ئازادی گەلی کوردستانە، سیمبولی کۆتایهاتنی زوڵم و زۆردارییە، ئومێد دەکەین ئەم نەورۆزە ببێتە سەقامگیربوونی کوردستان و یەکریزی نێوان لایەنە سیاسییەکانی هەرێمی کوردستان و رەواندنەوەی گرژییەکان لەپێناو زیاتر خزمەتکردن هەرێمی کوردستان.

ساڵڕۆژی رزگاركردنی شاری كەركوكی لەدەستی دیکتاتۆری بەعس هاوکاتە لەگەڵ ئەم بۆنە پیرۆزە، پیرۆزبایی لە کەرکوکییەکان و هەموو کوردێک دەكەین، هیوادارین نەورۆزی ئەم ساڵ ساڵی خزمەتی کەرکوکییەکان بێت.
مەولەویش لەبارەی جەژنی نەورۆزەوە دەڵێت:
نیشانەی نەورۆز وادەی وەھارەن
یا نەشئەی ئامای نامەی نیگارەن

نەورۆزتان پیرۆز، بەهیوای پاراستنی ژینگەی سەوزی کوردستان
  باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی