دامەزراوەی سەرۆک جەلال تاڵەبانی (٤٦)هەمین ساڵیادی دامەزراندنی ئێزگەی دەنگی گەلی کوردستان پیرۆز دەکات

بەڕێز/ خاتوو ماردین عەبدولکەریم، بەڕێوەبەری گشتیی ئێزگەی دەنگی گەلی کوردستان
بەڕێزان/  بێژەران، رۆژنامەنووسان و فەرمانبەرانی ئێزگەی دەنگی گەلی کوردستان

بەبۆنەی (٤٦)هەمین ساڵیادی ئێزگەکەمان ئێزگەی دەنگی گەلی کوردستان-وە گەرمترین و جوانترین پیرۆزبایی ئاراستەی ئێوەی خۆشەویست دەکەین.

هەڵگری ئەم بانگەوازە "لەزمناكۆوە بۆ ئازاد 1760 برادەران ئاگادار بكەنەوە 7ی مانگ زەماوەند بكەن " کە رادیۆی دەنگی گەلی کوردستانە، هەموو رۆژێک لە گوێمان دەزرنگێتەوە، ئەم رادیۆیە جوانە دەنگی نەبەزی و دلێرییە بە تەکنیک و هونەرێکی جوانەوە دەرخەری ناوی پێشمەرگە و بەرزڕاگری ناوی شەهید و دەنگ و پەیامی هەموو کوردێک بووە لە رابردوودا.

 ئەم تیمە جوانەی کە ئێستا کار دەکەن لە رادیۆ بە هەوڵ و هێزی بازوتان دەنگی گەلی کوردستانتان گەیاندووە بە پێشەنگی میدیاکان، ئێستاش بەرگریکار و داینەمۆی وەرچەرخانی شۆڕشی نوێین.

 هەواڵەکانتان لە رادیۆ و سۆشیاڵ میدیاکانتان بووتە سەرچاوەی زانیاریی گوێگرەکانتان، بۆیە شانازی بە بوون و ناوی ئەم رادیۆیەوە دەکەین.

‎  
پاڵپشت و هاکارتان دەبین، هیوای سەرکەوتن بۆ تەواوی ستافەکەتان 

 
دووبارە ئەم یادەتان لێ پیرۆز دەکەین
‎
    باڵیۆز د. محەمەد سابیر  
سەرۆکی دامەزراوەی سەرۆک جەلال تاڵەبانی