دامەزراوەی سەرۆک جەلال تاڵەبانی هەشتەمین ساڵیادی ژیانئاوایی سەرۆک جەلال تاڵەبانی دەکاتەوە

رۆژی هەینی رێکەوتی ٣ی ١٠ی ٢٠٢٥ دامەزراوەی سەرۆک جەلال تاڵەبانی و مەکتەبی سکرتاریەتی سەرۆک مام جەلال لە هۆڵی کۆنفراسی زانکۆی سلێمانی هەشتەمین ساڵیادی ژیانئاوایی سەرۆک جەلال تاڵەبانی- کردەووە و مەراسیمەکە بە سەرپەرشتی بەڕێز باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بەڕێز د. کۆسار محەمەد، سەرۆکی زانکۆی سلێمانی بەڕێوەچوو.

ئەم مەراسیمە بە ئامادەبوونی بەڕێز بافڵ جەلال تاڵەبانی، سەرۆکی یەکێتیی نیشتمانیی کوردستان و قوباد تاڵەبانی، لێپرسراوی مەکتەبی سکرتارییەتی سەرۆک مام جەلال و باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و میوانانی حزبی و حکومی لەسەر ئاستی عیراق و کوردستان و باڵیۆز و کونسوڵی وڵاتان لە عیراق و هەرێمی کوردستان و جەماوەرێکی زۆر بەڕێوەچوو.

لەم مەراسیمەدا بەڕێز قوباد تاڵەبانی، لێپرسراوی مەکتەبی سکرتارییەتی سەرۆک مام جەلال و بەڕێز باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بەڕێز کامل دولەیمی، سەرۆکی دیوانی سەرۆکایەتیی کۆماری عیراق وتاری سەرۆک کۆماری عیراق و حازم وەتەن، راوێژکاری سیاسی ئەنجومەنی وەزیرانی حکومەتی عێراق وتاری محەمەد شیاع سودانی و  د. کۆسار محەمەد، سەرۆکی زانکۆی سلێمانی وتاریان پیشکەش کرد و ڤیدیۆیەک لەبارەی وێستگە جیاوازەکانی ژیانی سەرۆک جەلال تاڵەبانی –یەوە پیشانی میوانان درا.

لەکاتی پێشەکەشکردنی وتارەکەی حازم وەتەن  فەرمانی گۆڕینی ناوی فڕۆکەخانەی نێودەوڵەتی سلێمانی بۆ فڕۆکەخانەی نێودەوڵەتیی جەلال تاڵەبانی پیشانی ئامادەبوواندا و پێشکەشی دامەزراوەی سەرۆک جەلال تاڵەبانی کرد.

مەراسیمی هەشتەمین ساڵیادی ژیانئاوایی سەرۆک جەلال تاڵەبانی کردنەوەی پێشانگای نێودەوڵەتیی سلێمانی بۆ کتێب خولی سەرۆک تاڵەبانی و یادی و مەراسیمی ساڵیادی ژیانئاوایی سەرۆک جەلال تاڵەبانی و رۆژی شەممە ٤ی ١٠ی یەکەمین کۆنفراسی زانستی نێودەوڵەتیی سەرۆک جەلال تاڵەبانی لە زانکۆی سلێمانی بەڕێوەدەچێت.