زانکۆی کۆیە یادی دامەزراندنی لەسەر مەزاری سەرۆک مام جەلال دەکاتەوە

رۆژی شەممە ١١ی ئۆکتۆبەری ٢٠٢٥ پ. د. محەمەد حەسیب، سەرۆکی زانکۆی کۆیە و ئەنجومەنی زانکۆکە سەردانی مەزاری سەرۆک مام جەلال-یان کرد و لەلایەن باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بەڕێز یوسف زۆزانی، جێگری سەرۆکی دامەزراوەکەوە پێشوازی کران، بە ئامادەبوونی مەکتەبی سکرتاریەتی سەرۆک مام جەلال.

ئامانجی سەردانەکەی زانکۆی کۆیە وەفا و رێزنواندن بوو بۆ سەرۆک مام جەلال، لەم رۆژەدا زانکۆی کۆیەی دامەزراند و کە لەئێستادا ناوەندێکی گەورەی رۆشنبیری، ئەکادیمی و زانستییە.
سەرۆکی زانکۆی کۆیە چەپکە گوڵی رێزنواندنیان لەسەر مەزارەکە دانا و فاتیحایان بۆ رۆحی پاکی سەرۆک مام جەلال خوێند.

پ. د. محەمەد حەسیب لە تیانووسی یادەوەرییەکانی سەرمەزارەکە سوپاسی سەرۆک مام جەلال-ی کرد بۆ دامەزراندنی زانکۆکەیان و رۆڵی گەورەیی و گاریگەری بەرزنرخاند و بەڵێنیدا وەک کادرێکی چالاک کاری بەرەوپێشبردنی زیاتر بۆ زانکۆکە بکات، وتیشی ئێمە لێرەین و راوەستاوین بەرانبەر چاکە و خزمتە زۆرەکانی سەرۆک مام جەلال کە بۆ کۆیە و زانکۆکەی کرد.