رێکخراوی دیالۆگی دۆستایەتیی فەرەنسی سەردانی دامەزراوەی سەرۆک جەلال تاڵەبانی دەکات

رۆژی سێشەممە رێکەوتی ٤ی ١١ی ٢٠٢٥ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە د. سەنگەر سەرچڵ، بەڕێوەبەری رێکخراوی دیالۆگی دۆستایەتیی فەرەنسی/ کوردی کرد.

لە دیدارێکدا رێکخراوی دیالۆگی دۆستایەتیی فەرەنسی/ کوردی داوایان لە دامەزراوەی سەرۆک جەلال تاڵەبانی کرد پەیوەندیی نێوان هەردوولا لەبوارەکانی کولتووری، کۆمەڵایەتی، هونەری و مرۆیی هەبێت و برەوی پێبدرێت.

لە بەشێکی دیکەی کۆبوونەوەکەدا باس لەوەکرا لە ئاییندەدا لێکتێگەیشتنێک لەنێوان هەردوولادا لەبواری کولتووری واژۆ بکرێت.

لە دیدارەکەدا باس لە ئامانج لێکتێگەیشتنەکە کرا کە مەبەست لێ پەرەپێدانی هاوبەشی ستراتیجییە لەنێوان هەردوو لایەندا و ئاسانکاری کردنە بۆ رێکخستنی میکانیزمی کار و چالاکییە کولتوورییەکان هاوکاریی بەردەوام و درێژخایەن، کۆکردنەوەی سەرچاوەی پەیوەندیدار و پێویست بۆ دابینکردنی هێڵکارییەکی فراوانی بەرپرسیاریەتییەکان".