جێگری سەرۆکی دامەزراوەی سەرۆک جەلال تاڵەبانی کلینکی دەباشان بەسەردەکاتەوە

رۆژی چوارشەممە رێکەوتی ٢٤ی ١٢ی ٢٠٢٥ بەڕێز یوسف زۆزانی، جێگری سەرۆکی دامەزراوەی سەرۆک جەلال تاڵەبانی لە شاری سلێمانی سەردانی کلینکی دەباشان کرد و لەلایەن د. رزگار، بەڕێوەبەری کلینکەکەوە پێشوازی لێکرا.

جێگری سەرۆکی دامەزراوەی سەرۆک جەلال تاڵەبانی دەستخۆشی و ساپاسی تەواوی ستافی کلینکەکەی کرد کە بێ وچان خزمەتی تەندروستی بە چارەخوازان دەکات و هەوڵ و ماندووبوونی تیمەکەی بەرزنرخاند.

لەلایەکی دیکەشەوە بەڕێز یوسف زۆزانی پاڵپشتی تەواوی دامەزراوەی سەرۆک جەلال تاڵەبانی بۆ کلینکی دەباشان دەربڕی.