کۆنسوڵی گشتیی کۆماری چین لە هەرێمی کوردستان سەردانی دامەزراوەی سەرۆک جەلال تاڵەبانی دەکات

رۆژی سێشەممە رێکەوتی ١٣ی ١ی  ٢٠٢٦، باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی پێشوازی لە لیو جیون، کونسوڵی گشتیی کۆماری چین لە هەرێمی کوردستان و شاندی یاوەری کرد.
 
 لە دیدارێکدا سەرۆکی دامەزراوەی سەرۆک جەلال تاڵەبانی سوپاسی وەفاداریی چینی میللی و کونسوڵی گشتیی چینی دووپات کردەوە لە پەرەپێدانی پەیوەندییەکانی نێوان هەردوولادا.

لە دیدارەکەدا کونسوڵی گشتیی کوماری چین بە گرنگییەوە ئاماژەی بە رۆڵی سەرۆک مام جەلال لە عیراق و هەرێمی کوردستان کرد لە درووستکردنی پەیوەندیی پتەوی نێوان گەلی کورد و کۆماری گشتیی چین و گەلانی دیکە.

لە بەشێکی دیکەی دیدارەکە باس لە باشترکردنی پەیوەندییە کلتووری و رۆشنبیرییەکانی دامەزراوەی سەرۆک جەلال تاڵەبانی بوو لەگەڵ کۆنسوڵخانەی کۆماری چین و وڵاتی چین.

لە کوتایی دیدارەکەدا باڵیۆز د. محەمەد سابیر داوای لە کۆنسوڵی کۆماری چین کرد بۆ تەرخانکردنی ژمارەیەک کورسیی ئەکادیمی لە زانکۆکانی وڵاتی چین بۆ دەرچووانی خوێندکارانی هەرێمی کوردستان بۆ خوێندنی ماستەر و دکتۆرا لە سەرجەم بوارەکاندا.