سەرۆکی دامەزراوەی سەرۆک جەلال تاڵەبانی سەردانی ژووری بازرگانی قورتۆبا دەکات

رۆژی دووشەممە رێکەوتی ٩ی٢ی ٢٠٢٦ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و شاندی یاوەری و دارەوان حاجی، نوێنەری حکومەتی هەرێمی کوردستان  لە وڵاتی ئیسپانیا سەردانی ژووری بازرگانی قورتۆبایان کرد.

لە دیدارێکدا لەگەڵ ئانتۆنیۆ دیاز کۆردۆبا جەخت لە بەرزکردنەوەی زیاتری قەبارەی وەبەرهێنان لەنێوان ژووری بازرگانی قورتۆبا و ژوورە بازرگانیەکانی هەرێمی کوردستان کردەوە.

لەبەشێکی دیکەی دیدارەکەدا جەخت لەسەر ئاسانکارییەکانی حکومەتی هەرێمی کوردستان بۆ هانمدان لەڕێگەی کۆمپانیا گەورەکان وەبەرهێنان لە هەرێمی کوردستان کرایەوە بەمەبەستی وەبەرهێنان لە سێکتەرە جیاوازەکان بەتایبەت لەبواری پیشەسازی، کشتوکاڵی، گەشتیاری، وزەی پاک و ڕاهێنانی پیشەی، بۆ ئەو مەبەستەش بەرنامەیەکی گشتگیر لە نێوان هەردوولادا گەڵاڵەکرا.

 لەئێستادا بەهەوڵی نوێنەرایەتیی حکومەتی هەرێمی کوردستان قەبارەی وەبەرهێنان و ئاڵوگۆڕی بازرگانی لەگەڵ ژووری بازرگانیی قۆرتۆبا گەیاندووەتە ٢ ملیۆن یۆرۆ.