سەرۆکی دامەزراوەی سەرۆک جەلال تاڵەبانی هاریکارییە ئەکادیمییەکان بەهێزتر دەکات لەگەڵ زانکۆی کۆمپلۆتێنسێی ئیسپانی

لە چوارچێوەی فراوانکردنی پەیوەندییە زانستییە نێودەوڵەتییەکاندا، رۆژی چوارشەممە رێکەوتی ١١ی ۲ی ٢٠٢٦ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و شاندی یاوەری، سەردانێکی فەرمییان بۆ زانکۆی کۆمپلۆتێنسێ لە شانشینی ئیسپانیا ئەنجامدا،  یەکێکە لە دیارترین زانکۆکانی سەر ئاستی ئیسپانیا و جیهان. 

لە دیدارێکی شاندێکی دامەزراوەکە لەگەڵ خاتوو ئیڤا لۆپێز، سەرۆکی نووسینگەی پەیوەندییە نێودەوڵەتییەکان و بە بەشداریی خاتوو ماریا خۆسێ سێرنا، سەرۆکی بەشی رێککەوتننامە نێودەوڵەتییەکان  سەرنجیان خستە سەر رێگاکانی پەرەپێدانی هاریکاریی ئەکادیمی و ئاڵوگۆڕی شارەزاییە زانستییەکان، لەگەڵ خستنەڕووی دیدگای دامەزراوەکە بۆ پشتیوانیکردنی قوتابیان و گەنجان و رەخساندنی هەلی خوێندن بۆ  قوتابیانی هەرێمی کوردستان لەڕێگەی هاوبەشییە نێودەوڵەتییەکان و زانکوی ناوبراود. 

لە بەشێکی دیکەی دیدارەکە باس لە هاوهانگی و کاری هاوبەش کرا لەنێوان هەردوولادا لەبوارەکانی وۆرک شۆپ و خولی راهێنان، بە ئامانجی بەرزکردنەوەی ئاستی ئەکادیمی و بەهێزکردنی پەیوەندی بۆ فێرخوازان.