جێگری سەرۆکی دامەزراوەی سەرۆک جەلال تاڵەبانی سەردانی مەکتەبی سیاسی یەکێتی لە بەغداد دەکات

ڕۆژی دووشەممە ٢٣ی شوباتی ٢٠٢٦ بەڕێز یوسف زۆزانی، جێگری سەرۆکی دامەزراوەی سەرۆک جەلال تاڵەبانی سەردانی مەکتەبی سیاسی یەکێتیی نیشتمانیی کوردستانی لە شاری بەغداد کرد و لەلایەن د. بێستون زەنگەنە، بەرپرسی نووسینگەی مەکتەبی سیاسیەوە پێشوازی لێکرا.

لە دیدارێکدا جێگری سەرۆکی دامەزراوەی سەرۆک جەلال تاڵەبانی باسی کار، پرۆژە و چالاکییە بەردەوامەکانی دامەزراوەکەی کرد، باسی لەوەشکرد لە ئاییندەدا لە پلانیاندایە بەغداد بکەنە سەنتەری چلاکییەکانی دامەزراوەی سەرۆک جەلال تاڵەبانی.

د. بێستون زەنگەنە پاڵپشتی خۆی و مەکتەبی سیاسی یەکێتی لە بەغداد بۆ دامەزراوەی سەرۆک جەلال تاڵەبانی دەربڕی، ئامادەیشی نیشاندا بۆ هەموو جۆرە هاوکارییەک و بەرەوپێشەوەبردنی زیاتری کارەکانی دامەزراوەکە و باسی لەوەشکرد هاوکاردەبن لە کۆکردنەوەی ئەرشیفی سەرۆک مام جەلال لە شاری بەغداد.

جێگەی وەبیرهێنانەوەیە بەڕێز یوسف زۆزانی لەسەردانەکەیدا بۆ شاری بەغداد ئۆفیسی دامەزراوەی سەرۆک جەلال تاڵەبانی بەسەرکردەوە و سوپاس و ستایشی باش بەڕێکردنی کارەکانی دامەزراوەکەی لەشاری بەغداد لێکردن.