پیرۆزبایی دامەزراوەی سەرۆک جەلال تاڵەبانی بەبۆنەی رۆژی جیهانیی ژنانەوە (٨ی مارس)

بەبۆنەی هاتنەوەی رۆژی جیهانیی ژنانەوە پیرۆزباییەکی گەرم ئاراستەی سەرجەم ژنانی کوردستان و عێراق دەکەین، ھیوای سەرکەوتن بۆ خەباتی تەواوی ژنان دەخوازین.

ئەرکی ھەمووانە، داکۆکیکاری سەرسەختی مافەکانی ژنان بکەین و پاڵپشت و هاوشنیانی خەبات بین، ژنانی ئازای ئێمە کلیلی سەرکەوتنەکانمانن، بەشێک گەورەن لە سەرکەوتنەکانی کۆمەڵگەی کوردەواری و عێراق بۆ ئازایەتی و چاونەترسانی ئەوان و پاڵپشتی و پشتگیرییەکانی رەوانشاد سەرۆک مام جەلال دەگەڕێتەوە؛
 
ئێمە لە دامەزراوەی سەرۆک جەلال تاڵەبانی لەم بۆنە پیرۆزەدا جەخت لە بەدیهێنانی یەکسانیی کۆمەڵایەتی و دادپەروەری زیاتر بۆ بەشداریان لە سەرجەم پرسە سیاسی و جومگە ئیدارییەکان دەکەین بۆ کۆمەڵگەیەکی باش و بەھێزتر.

هەندێک کاردەکەن بۆئەوەی هەوڵەکانی ژنان پەکبخرێت دژی ئەو ستەم و بێدادیەی یەخەی پرسەکانی ژنان دەگرن دەیانەوێت ژنان بەرەو دواوە بگەڕێنەوە، یەکگرتووی ژنان و فشارەکانیان گۆڕانکاریی کۆمەڵایەتی دروست دەکەن.
بەرز و پیرۆزبێت رۆژی جیهانی ژنان 

باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
٨ی مارس ٢٠٢٦