پرسەنامەی دامەزراوەی سەرۆک جەلال تاڵەبانی بەبۆنەی کۆچی دوایی هەڤاڵ ساڵح موسلیم-ەوە

خانەوادە و کەسوکاری هەڤاڵ ساڵح موسلیم...

بەداخەوە هەواڵی کۆچی دوایی تێکۆشەر و سیاسەتمەداری ناسراوی گەلەکەمان و ئەندامی هاوسەرۆکی پێشووی پەیەدە هەڤاڵ ساڵح موسلیم-مان پێگەیشت، لە دڵەوە نیگەران و خەمبار بووین.

هەڤاڵ ساڵح موسلیم خزمەتێکی یەکجار زۆری بە دۆزی نەتەوەکەمان کرد لە رۆژئاڤا، سەرکردەیەکی تێکۆشەربوو لە برەودان بە خەباتی هاوچەرخی کوردایەتی لە خەباتی ناو ریزەکانی پەیەدە، جێگە دەستی دیار و رۆڵێکی گرنگی هەبوو.

هەڤاڵ ساڵح موسلیم لەماوەی چل ساڵی رابردوودا رۆڵی دیار و بەرچاوی لە خەباتی رزگاریخوازی گەلی کورد و لە پرسە نەتەوەیی و نیشتمانییەکاندا هەبوو، پەیوەندیی بەهێز و گرێدراوی لەگەڵ سەرکردە و کوردانی هەر چوار پارچە هەبوو،  هەروەها رۆڵێکی گەورەی بینیوە لە شۆڕشی رۆژئاوای کوردستاندا.

بۆ ئەم خەمە گەورەیە پرسە و سەرەخۆشی و هاوخەمی خۆمان ئاراستەی تەواوی گەلەکەمان و خانەوادە و کەسوکاری هەڤاڵ ساڵح موسلیم و بە تایبەت گەلی رۆژئاڤا دەکەین، دواکۆست و ناخۆشیمان بێت، خوای 
گەورە سەبووری هەموو لایەک بدات و کۆچکردوو جێگەی بەهەشتی بەرین بێت.

باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی