پەیامی دامەزراوەی سەرۆک جەلال تاڵەبانی بەبۆنەی (٣٨)هەمین ساڵیادی کارەساتی کیمیابارانکردنی شاری هەڵەبجە _وە

2026-03-15

خانەوادەی سەربەرزی شەهیدان و قوربانیانی چەکی کیمیایی...
کوردستانیانی خۆشەویست...
٣٨ ساڵ تێپەڕ دەبێت بەسەر کارەساتی کۆمەڵکوژی بەرانبەر شاری هەڵەبجە لە ١٦ی ئازاری ١٩٨٨و کیمیابارانکردنی لەلایەن رژێمی پێشووی عیراق و شەهیدکردنی (٥٠٠٠) هەزار هاوڵاتیی سڤیلی کە ژن، بەساڵاچوو، منداڵ و زیاتر لە 10 هەزار کەسیش برینداربوون بەشێکیان تائێستا بە دەست ساڕێژنەبوونی برینەکەیانەوە دەناڵێنن ، ئەوەی ئەم شارە شەهیدە بەرۆکی گرت تاوانێکە کە هەموو مرۆڤایەتی ئیدانەی دەکات.

لە یادی ساڵڕۆژی ئەم تاوانە قێزەونەی دەرهەق بە شاری هەڵەبجەی شەهیدی سەربەرز کرا، بە خەمێكی زۆر و قووڵەوە یادی ئەو كارەساتە گەورەیە دەكەینەوە بەرانبەر گەلی كورد کرا، کیمیابارانكردنی هەڵەبجە درێژەپێدەری ئەو زنجیرە تاوانە بوو بەعسی فاشست بۆ سڕینەوە گەلی كوردستان ئەنجامیدا، بۆردومانکردنی هەڵەبجە لە چوارچێوەی ئەو هێرشانەدا بوو کە رژێمی بەعس لە عێراق لەسەر ناوچە کوردییەکان دەستی پێکردبوو لە چوارچێوەی شاڵاوەکانی ئەنفال و راگواستنی خەڵکی گوندەکانی کوردستان بۆ ئۆردوگا زۆرەملێکان کە حکوومەت لە نزیک شارەکان دروستی کردبوو.

ئێستا کاتی ئەوەیە دووربکەوینەوە لە دروشم، هەنگاوی کرداری بنێن بۆ ئاوەدانکردنەوە و خزمەتکردنی زیاتر و قەرەبووکردنەوەی قوربانیان و ساڕێژکردنی برینەکانیان، تاوەکو ئێستا ئاسەوار و کاریگەرییە خراپەکانی بەسەر خەڵک و خاکی شارەکەوە ماوە، هەڵەبجە بۆ ئێمە سەربەرزی، گیانفیدایی، قوربانی و مەزڵومیەتی گەلەکەمانە.

هاوسۆزین و هاوخەمین لەگەڵ خانەوادەی سەربەرزی شەهیدان و قوربانیانی چەکی کیمیایی، نەمری و سەربەرزی بۆ رۆحی پاكی شەهیدانی هەڵەبجە و سەرجەم شەهیدانی رێگە رزگاریی گەلی كوردستان...

باڵیۆز د. محەمەد سابیر
سەرۆکی دامەزراوەی سەرۆک جەلال تاڵەبانی
١٦ی ٣ی ٢٠٢٦

هەواڵ چەسپاندنی ناوی فڕۆکەخانەی نێودەوڵەتیی جەلال تاڵەبانی، گۆڕانکارییەکی نوێیە لە گەشتی ئاسمانی نێودەوڵەتیدا

هەواڵ دامەزراوەی سەرۆک جەلال تاڵەبانی لەگەڵ ڕاوێژکاری سەرۆک وەزیران بۆ کاروباری سیاسی کۆدەبێتەوە

هەواڵ وەزیری ژینگە پاڵپشتی خۆی بۆ پڕۆژەکانی دامەزراوەی سەرۆک جەلال تاڵەبانی دووپات دەکاتەوە و دەستپێکردنی ڕێکارە مەیدانییەکانی بۆ پڕۆژەی "پارکی شەهیدان" لە سلێمانی ڕادەگەیەنێت

هەواڵ دامەزراوەی سەرۆک جەلال تاڵەبانی لەگەڵ سکرتاریەتی سەرۆک مام جەلال لە بەغداد ئاسۆکانی هاریکاری و پاڵپشتیکردنی پڕۆژەکانی دامەزراوەکە تاوتوێ دەکەن

هەواڵ دامەزراوەی سەرۆک جەلال تاڵەبانی و یونسکۆ تاوتوێی ڕاگەیاندنی بەرنامەیەکی کاری هاوبەش دەکەن بۆ جێبەجێکردنی چەند پڕۆژەیەکی ڕاهێنان لە عێراقدا

هەواڵ باڵیۆزی فەرەنسا لە عێراق سەردانی مەزاری سەرۆک مام جەلال دەکات

پەیامی دامەزراوەی سەرۆک جەلال تاڵەبانی بەبۆنەی (٣٨)هەمین ساڵیادی کارەساتی کیمیابارانکردنی شاری هەڵەبجە _وە

زیاتر بخوێنەرەوە

دامەزراوە

کار و چالاکی

لینکی زیاتر

میدیا