پیرۆزبایی دامەزراوەی سەرۆک جەلال تاڵەبانی بەبۆنەی هاتنەوەی جەژنی نەورۆز

بەبۆنەی هاتنەوەی سەری ساڵی نوێی کوردییەوە )جەژنی نەورۆز( (٢٧٢٦)، گەرمترین و جوانترین پیرۆزبایی ئاراستەی گشت کوردستانييان دەکەین، هیوای ئاشتی و ئارامی بۆ هەموو لایەک دەخوازین.

نەورۆز؛ پەیامی ئازادی، ژیان و نوێبوونەوەیە، سیمبولی کۆتایهاتنی زوڵم و زۆردارییە، هیوادارین ئەم نەورۆزە ببێتە رەوینەوەی گرژی و نائارامی کە تەمی گرتووە بەسەر وڵاتەکەماندا هەروەها ببێتە هۆی دابینکردنی سەقامگیربوونی و ئاسایش بۆ هەرێمی کوردستان، عیراق و جیهان.

ساڵڕۆژی رزگاركردنی شاری كەركوكی لە دەستی رژێمی فاشیست هاوکاتە لەگەڵ ئەم جەژنە نەتەوەییە پیرۆزبایی لە کەرکوکییە خۆشەویستەکان دەکەین، ئومێدەوارین نەورۆزی ئەمساڵ و ساڵانی ئایندە لە سایەی ئاشتی و ئازادی، بەیەكەوە بەسەر بەرین.

جەژنی نەتەوییمان پیرۆزبێت

                                                                           باڵیۆز د. محەمەد سابیر
                                                        سەرۆکی دامەزراوەی سەرۆک جەلال تاڵەبانی