پەیامی دامەزراوەی سەرۆک جەلال تاڵەبانی بەبۆنەی تێپەڕبوونی بیست و سێ ساڵ بەسەر رووخانی رژێمی فاشیستدا

تێپەڕبوونی بیست و سێ ساڵ بەسەر رووخانی رژێمی دیكتاتۆریی بەعس کە ئەو رۆژە بە پرۆسەی ئازادیی عیراق ناسراوە (9ی نیسانی ٢٠٠٣) ئەو دەسەڵاتەی کە شوناسەکەی؛ دیکتاتۆری چەوسێنەر، ستەمکار خۆسەپێنی و حوکمی تاکڕەوی و کوشاری بەکۆمەڵ بوو لەسەر میللەتی کورد. 

رووخانی رژێمی سەدام حسێن بەیاد دەهێنینەوە وەک وێستگەیەکی گرنگ لە مێژووی گەلەکەمان و لەناوبردنی دیکتاتۆریەت، کە تێیدا خەبات و قوربانییە هێزە کوردییەکان لەگەڵ هاوپەیمانان بۆ گەیشتن بوو بە دادپەروەری و سەروەری یاسا.
 پرۆسەی ئازادیی عێراق؛ گۆڕانکارییەکی بنەڕەتی لە مێژووی عێراق و کوردستان بوو، کۆتایی بە قۆناغێکی تاریک و پڕ لە زوڵم و ستەم هێنا.

هیوادارین سەرجەم لایەنە سیاسییە عێراقييه‌كان بەرۆحێکی بەرزی نیشتمانیانە کاربکەن ئەو دۆخە بەسەر ناوچەکە سەپاوە لەباری ببەن، سەقامگیری، ئاسایش و ئارامی بۆ وڵات دابین بکەن و هەوڵەکانیان بەردەوام بێت بۆ پاراستنی دەستکەوتەکان و بەردەوامبوون لە بنیاتنانی کۆمەڵگەیەکی دیموکراتی و دادپەروەر.

باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی