جێگری سەرۆکی یەکێتی سەردانی دامەزراوەی سەرۆک جەلال تاڵەبانی دەکات

رۆژی سێشەممە ٢١ی نیسانی ٢٠٢٦ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە بەڕێز رەفعەت عەبدوڵڵا، جێگری سەرۆکی یەکێتیی نیشتمانیی کوردستان و شاندێکی یاوەری كرد.

لە دیدارێکدا هەردوولا هاوڕابوون لەسەر بەردەوامی و هەماهەنگی زیاتر بۆ فراوانبوونی پلان، کۆکردنەوە و پاراستنی ئەرشیفی سەرۆک تاڵەبانی و چالاکییەکانی دامەزراوەی سەرۆک جەلال تاڵەبانی.

 لە بەشێکی دیکەی دیدارەکەدا جێگری سەرۆکی یەکێتی ئامادەیی و هاوکاریی خۆی بۆ پەرەپێدانی دامەزراوەکە دەربڕی و دامەزراوەکەشی بە گرنگییەکی ئەم قۆناغە وەسف کرد.
 
ئەم سەردان و دیدارانە لە چوارچێوەی هەوڵە بەردەوامەکانی دامەزراوەی سەرۆک جەلال تاڵەبانی-یە بۆ بەهێزکردنی پەیوەندییە دامەزراوەییەکان، ئاڵوگۆڕی ئەزموون و بیرۆکە لەبواری رۆشنبیری، کولتووری، کۆمەڵایەتی، هۆشیاریی کۆمەڵگە و ژینگە.