پیرۆزبایی دامەزراوەی سەرۆک جەلال تاڵەبانی بەبۆنەی رۆژی جیهانیی کرێکارانەوە

بەبۆنەی هاتنەوەی جەژنی کرێکاران یەكی ئایار؛ رۆژی جیهانیی کرێکاراندا، جوانترین و گەرمترین پیرۆزبایی ئاراستەی  سەرجەم  كرێكارانی کوردستان و عیراق و جیهان دەكەین، هیوای سەلامەت و بەرجەستەبوونی مافەکانیان بۆ دەخوازین.

سەرۆک مام جەلال لە وترێکیدا لەساڵی ٢٠٠٠ لە چەژنی کرێکاراندا وتی: "پێویستە جەژنی کرێکاران بکرێتە بۆنەیەک بۆئەوەی ئێوە  خەباتی خۆتان پەرە پێ بدەن، هەم بۆئەوەی ئێمەو مانان گوێمان پڕبێت لە داخوازییەکانتان، وە هەمیشە ئێوە داخوازییەکانی خۆتان بڵێنەوە،  هەمیشە هەوڵبدەن ئەوەندەی کە بە ئێمە دەکرێت پێمان جێبەجێ بکەن، ئەوەندەی ئێمەش بۆمان دەکرێت بۆتان جێبەجێ بکەین"

 پێگە و ڕۆڵی کرێکاران لە گەشە، بنیادنانی وڵات و پێشکەوتندا لە هەردوو کەرتی گشتی و کەرتی تایبەتدا گرنگ و کاریگەرە وەک چینێکی بوونیاتنەر و بەرھەمھێن هەژماردەکرێت.

پێویستە سەندیکای کرێکاران سەرسەختانەتر داکۆکی لەسەر ماف و داخوازییەکانیان کرێکاران بکات، ئێمەش لە دامەزراوەی سەرۆک جەلال تاڵەبنی پێداگری تەواو دەکەین لە بەدەستهێنانی مافەکانی کرێکاران باشکردنی ژیانیان. 

سڵاو بۆ گیانی پاکی ئەو کرێکارانەی لەپێناو ئاوەدانی بنیاتنانەوەی وڵات گیانیان بەخشیوە.

 باڵیۆز، د. محەمەد سابیر        
 سەرۆکی دامەزاوەی سەرۆک جەلال تاڵەبانی