جێگری نوێی کونسوڵى کۆمارى چینی میللیی لە هەرێمی کوردستان سەردانی مەزاری سەرۆک مام جەلال دەکات

رۆژی شەممە ڕێکەوتی ٢ی ئایار ٢٠٢٦  شاندێکی کونسوڵخانەی گشتیی وڵاتی چین لە هەرێمی کوردستان بە سەرۆکایەتیی بەڕێز ژانگ جیانشین جێگری کونسوڵى تازەی کۆمارى چینى میللى سەردانی مەزاری سەرۆک مام جەلال-یان  کرد و لەلایەن باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی و بەڕێز یوسف زۆزانی جێگری سەرۆکی دامەزراوە و بەڕێز کاڵێ محەمەد سابیر، بەڕێوەبەری پرۆژەکانی دامەزراوەکە و مەکتەبی سکرتاریەتی سەرۆک مام جەلەل-ەوە پێشوازیان لێ کرا.

جێگری نوێی کونسوڵی کۆماری چینی میللی دوای دانانی تاجە گوڵینەی رێز، وەفا و هاوڕێیەتی گەلی چین لەسەر مەزاری سەرۆک مام جەلال لە تیانووسی  یادەوەرییەکاندا دەنووسێت: بە قووڵی یادی دۆستی دێرینی گەلی چین 'سەرۆک جەلال تاڵەبانی' دەکەینەوە.
رۆڵی گرنگی سەرۆک مام جەلال لە عیراق، هەرێمی کوردستان و جیهان کرد،  پتەوی نێوان گەلی کورد و کۆماری گشتیی چین گەڕاندەوە بۆ بەهێزی کەسایەتیی سەرۆک مام جەلال.

 سەرۆکی دامەزراوەی سەرۆک جەلال تاڵەبانی، سوپاسی وەفاداریی چینی میللی و جێگری نوێی کونسوڵی گشتیی وڵاتی چینی-کرد و هەردوولا دووپاتیان لە پەرەپێدانی پەیوەندییەکانی نێوان هەردوولا کردەوە،  باڵیۆز د. محەمەد سابیر وتی باشترکردنی پەیوەندییە کلتووری و رۆشنبیرییەکانی دامەزراوەی سەرۆک جەلال تاڵەبانی لەگەڵ کۆنسوڵخانەی کۆماری چین و وڵاتی چین پەرەی پێدەدەین و هاوکاری یەکدی دەبین.