پیرۆزبایی دامەزراوەی سەرۆک جەلال تاڵەبانی بەبۆنەی هاتنەوەی جەژنی قوربانی پیرۆز

بەبۆنەی هاتنەوەی جەژنی قوربانی پیرۆز، جوانترین و گەرمترین پیرۆزبایی ئاراستەی كەسوكاری سەربەرزی شەهیدان و سەرجەم موسڵمانانی کوردستان، عیراق و جیهان دەکەین، هیوادارین ئەم جەژنە پیرۆزە ببێتە هۆی ئاشتی، خۆشەویستی، یەکڕیزی و ئارامی، خوا گەورە قوربانی و چاکەی هەمووان قبوڵ بکات. هیوادارین ئەم بۆنە پیرۆزە بە خێر و بەرەکەت و دڵخۆشی بگەڕێتەوە بۆ هەموو خێزانەکان.

دەبێت لەم بۆنە پیرۆزەدا بەو گیانە هەڵسوکەوت بکەین و هەموومان ناکۆکییەکان وەلابنێین، هیواخوازین ئەم جەژنەش ببێتە هۆی خۆشگوزەرانی بۆ کوردستان، دابینکردنی ئارامی و ئاسایش بۆ وڵاتەکەمان و بەرەو داهاتوویەكی جوان و گەشتر هەنگاوبنێین.


جەژنی قوربانتان پیرۆز بێت، بەخێر و خۆشی


     باڵیۆز د. محەمەد سابیر
سەرۆکی دامەزراوەی سەرۆك جەلال تاڵەبانی