شاندێکی چینی شارەزای توێژینەوەکانی رۆژهەڵاتی ناوەراست سەردانی مەزاری سەرۆک مام جەلال دەکات

رۆژی دووشەممە رێکەوتی ١٥ی حوزەیرانی ٢٠٢٦ بەڕێز یوسف زۆزانی جێگری سەرۆکی دامەزراوەی سەرۆک جەلال تاڵەبانی و شاندی یاوەری و مەکتەبی سکرتاریەتی سەرۆک مام جەلال لەسەر مەزاری سەرۆک مام جەلال پێشوازی لە بەڕێز ما زیاولین، سەرۆکی شاندی چینی شارەزای توێژینەوەکانی رۆژهەڵاتی ناوەڕاست لە زانکۆی توێژینەوە نێودەوڵەتییەکانی ژێجیانگ کرد.

سەرۆکی شاندەکە وێڕای سوپاسیان لە پێشوازی گەرمیان و خۆشحاڵی خۆیان بەم سەردانە لە تیانووسی یادەوەرییەکانی سەر مەزارەکەی سەرۆک مام جەلال یادەوەری خۆیان نووسی و سەرسامی خۆیان بە کەسایەتی و مێژووی خەباتی سەرۆک مام جەلال دەربڕی.

شاندە چینیەکە بە گرنگەوە باسیان لە سەردانی سەرۆک مام جەلال لە کاتی لاویدا بۆ وڵاتی چین کرد و  بەخۆشحاڵییەوە باسیان لەوە کرد کە سەرۆک مام جەلال سەرسامی بیر و باوەڕەکانی ماوسی تۆنگ-ە.