سەرۆک کۆماری عێراق بەشداری لە کردنەوەی نووسینگەی دامەزراوەی سەرۆک جەلال تاڵەبانی لە شاری بەغدا دەکات

رۆژی سێشەممە رێکەوتی ١٦ی حوزەیرانی ٢٠٢٦ بەڕێز نزار ئامێدی، سەرۆک کۆماری عێراق بە یاوەری د. خالید شوانی، وەزیری دادی عێراق لە شاری بەغدا بەشداری لە کردنەوەی نووسینگەی دامەزراوەی سەرۆک جەلال تاڵەبانی کرد.

باڵیۆز، د. محەمەد سابیر، سەرۆکی دامەزراوەی سەرۆک جەلال تاڵەبانی سوپاسی سەرۆک کۆماری کرد لە پای بەشداربوونی لە کردنەوەی نووسینگەی دامەزراوەکە لە شاری بەغدا.

لە دیدارێکدا باس لە چالاکیی و بەرنامەکانی لەبوارەکانی کلتووری و کۆمەڵایەتی و مرۆییەکانی دامەزراوەکە کرا، هاوکات ئاسۆکانی هاوکاری بۆ پاڵپشتیکردنی ئەو دەستپێشخەرییانە کە خزمەت بەهاووڵاتیان دەکەن تاوتوێ کران، کە بەشدارن لەبەهێزکردنی بەهاکانی پێکەوەژیان و یەکڕیزی لەنێوان پێکهاتە جیاوازەکانی کۆمەڵگەی عێراقیدا.

لە بشێکی دیکەی دیدارەکەدا سەرۆک کۆمار ئاماژەی بەوەدا کە دامەزراوەی سەرۆک جەلال تاڵەبانی نوێنەرایەتیی درێژکراوەی میراتێکی نیشتمانیی سەرۆک مام جەلال دەکات کە جێ پەنجەی بەرچاوی لەسەر ژیانی سیاسیی عێراق بەجێهێشتووە، جەختیشی لە گرنگی بەردەوامی هەوڵەکان کردەوە کە پەرە بە کلتووری دیالۆگ و لێکتێگەیشتن و پشتیوانی لەچۆنیەتی سەقامگیری و هاوبەشی نیشتمانی دەکات.

سەرۆکی دامەزراوەی سەرۆک جەلال تاڵەبانی دووپاتیشی کردەوە ئەو پرەنسیب و دیدگایانەی سەرۆک مام جەلال باوەڕی پێیان هەبوو، وەک چرایەکی رێنمایی دەمێننەوە بۆمان لەبەرنگاربوونەوەی ئاڵنگارییەکان و نزیککردنەوەی بیرۆکەکانی نێوان هێزە سیاسییەکان و یەکخستنی هەوڵەکان، بەشێوەیەک کەخزمەت بە بەرژەوەندییەکانی وڵات بکات.

باڵیۆز د. محەمەد سابیر جەختی لەپابەندبوونی بەردەوامی دامەزراوەکە کردەوە بۆ پاراستنی و کۆکردنەوی ئەرشیفی سەرۆک مام جەلال، جگە لە جێبەجێکردنی بەرنامە و دەستپێشخەرییەکانی بەئامانجی خزمەتکردنی کۆمەڵگە و پاڵپشتیکردنی