سەرۆک مام جەلال بۆ ستافي بڵاوکراوەی (الانصات المركزي): پەیمانتان پێدەدەم کە پاڵپشت و پشتیوان و هاوکار و یاوەرتان بم

براى تێکۆشەر
محەمەد عوسمان ئەمین-ی بەڕێز

سڵاو لە ئێوە و تەواوی ستافي بڵاوکراوەی (الانصات المركزي) دەکەم کە ڕۆژانە دەریدەکەن، کە بەرهەمێکی ڕۆژنامەوانیی زۆر نایابە. وەک  باستان کردوە  بەراستی بانکێکی زانیاری و تۆمارێکی بەڵگەنامە و هەڵوێستەکانە، و بەبەردەوامی بەرەو پێش دەچێت تا ببێتە بڵاوکراوەیەکی هەواڵیی ڕاستگۆ کە ڕووداوە گرنگەکان دەپۆشێت و ئەو وتار و لێکدانەوانە دەگوازێتەوە کە پەیوەندیدارن بە کاروباری عێراقی، کوردی، ڕۆژهەڵاتی ناوەڕاست و جارجاریش دیارترین ڕووداوە جیهانییەکان، هەروەها دەرچوونی بە زمانی عەرەبی گرنگییەکی تایبەتی پێدەبەخشێت کە هەڵگری چەندین ئاماژە و مانای جۆراوجۆرە.

من لە کاتێکدا ڕۆژانە بەردەوام  دەیخوێنمەوە،، سەرسامیی زیاترم بۆی و پێزانینم بۆ هەوڵە دڵسۆزانەکانتان زیاتر دەبێت.
**
هەربۆیە پیرۆزباییتان لێدەکەم و دەستتان دەگوشم و پەیمانتان پێدەدەم کە پاڵپشت و پشتیوان و هاوکار و یاوەرتان بم.
زۆر باش دەبوو ئەگەر لە ڕووی شێوەوە بتانگۆڕییایە بۆ شێوەی گۆڤارێک کە لە بەرگەکەیەوە گرنگترین بابەتە بڵاوکراوەکانی لەسەر بنووسرێت.

ئەگەر ئەوە (جگە لە هەوڵە سوپاسکراوەکانتان) تێچووی دارایی زیاتری ویست، ئەوا ئامادەیی خۆمتان پێڕادەگەیەنم بۆ دابینکردنی تاوەکو بە شێوەیەکی قەشەنگتر و جوانتر دەربکەوێت.
هیوادارم بەردەوام بن لە خزمەتکردنی ڕۆژنامەگەریی کوردی و خزمەتی ئەو ڕاستییانەی لە بەڵگەنامە ڕاگەیاندنییەکان و هەواڵە ڕاستگۆکانەوە هەڵدەقوڵێن.
تکایە دووبارە پیرۆزبایی قووڵم قبوڵ بفەرموون.

برای دڵسۆزتان
مام جەلال تاڵەبانی