سەرۆکی دامەزراوەی سەرۆک جەلال تاڵەبانی سەردانی مەکتەبی سیاسیی یەکێتی دەکات

رۆژی یەکشەممە ٩ی ئابی ٢٠٢٦ باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی و بەڕێز یوسف زۆزانی، جێگری سەرۆکی دامەزراوەکە و شاندی یاوەری سەردانی مەکتەبی سیاسیی یەکێتیی نیشتمانیی کوردستان-یان کرد و لەلایەن بەڕێز رەفعەت عەبدوڵڵا، جێگری سەرۆکی یەکێتیی نیشتمانیی کوردستان و بەڕێز ستران عەبدوڵڵا، لێپرسراوی سکرتاریەتی مەکتەبی سیاسیی یەکێتی و شاندی یاوەریانەوە پێشوازیان لێکرا.

لە دیدارێکدا باس لە گرنگی پەیوەندییەکانی نێوان هەردوولا کرا، هاوڕابوون لەسەر بەردەوامی و هەماهەنگی زیاتر بۆ فراوانبوونی پلان و چالاکییەکان و هەروەها کۆکردنەوەی ئەرشیفی سەرۆک مام جەلال وەک سەرچاوەیەکی گرنگی مێژوویی بۆ پاراستنی ڕێباز و خەباتی سەرۆک مام جەلال.

سەرۆکی دامەزراوەی سەرۆک جەلال تاڵەبانی ئەم سەردانەی بە گرنگزانی بۆ ئاڵوگۆڕی ئەزموون و بیرۆکە لەبواری رۆشنبیری، کولتووری، کۆمەڵایەتی، هۆشیاریی کۆمەڵگە و ژینگە.

 لە بەشێکی دیکەی دیدارەکەدا جێگری سەرۆکی یەکێتی ئامادەیی و هاوکاریی خۆی و یەکێتیی نیشتمانیی کوردستانی بۆ پەرەپێدانی دامەزراوەکە دەربڕی و دامەزراوەکەشی بە پێویستی و گرنگییەکی ئەم قۆناغە وەسف کرد و  سوپاس و پێزانینی خۆیانی بۆ کارەکانی رابردووی دامەزراوەکە دەربڕی.