"فڕۆکەخانەی نێودەوڵەتیی جەلال تاڵەبانی سمبولی ئاوەدانی و شادەماری گەشەپێدانی سلێمانی-یە و هاوکاردەبین لە پڕکردنەوەی پێداویستییەکانی"

رۆژی چوارشەممە رێکەوتی ١٩ی ئابی ٢٠٢٦، باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی لەگەڵ خاتوو شاناز ئیبراهیم ئەحمەد، ئەندامی مەکتەبی سیاسیی یەکێتیی نیشتمانیی کوردستان سەردانی فڕۆکەخانەی نێودەوڵەتیی جەلال تاڵەبانی-یان کرد و لەلایەن رێباز محەمەد خەلیل، بەڕێوەبەری فڕۆکەخانەی نێودەوڵەتیی جەلال تاڵەبانی بەوەکالەت پێشوازیان لێ کرا.

لەدیدارێکدا بە مەبەستی لەنزیکەوە ئاگاداربوون لە بەڕێوەچوونی کارەکان و ئاستی خزمەتگوزارییەکان لەگەڵ بەڕێوەبەر و دەستەی کارگێڕی کۆبوونەوە، ​لە بەشێکی دیکەی دیدارەکەدا، ئامادەیی تەواویان بۆ ئاسانکاری لە چارەسەرکردنی ئەو ئاستەنگ و گرفتانەی کە رووبەڕووی بەڕێوەچوونی کارەکانی فڕۆکەخانەکە دەبنەوە، تاوەکو بتوانرێت بە باشترین شێواز خزمەت بە هاووڵاتییان و گەشتیاران بکەن.

"فڕۆکەخانەی نێودەوڵەتیی جەلال تاڵەبانی سمبولی ئاوەدانی و شادەماری گەشەپێدانی شاری سلێمانییە و هاوکاردەبین لە پڕکردنەوەی پێداویستییەکانی"
باڵیۆز، د. محەمەد سابیر و خاتوو شاناز ئیبراهیم ئەحمەد لە کۆتایی دیدارەکەدا وایان وت