دامەزراوەی سەرۆک جەلال تاڵەبانی بە هاوبەشی لەگەڵ یونسکۆ هەنگاو بەرەو رێکخستنی فەزای دیجیتاڵی بۆ هۆشیاری لە عێراق دەنێن

رۆژی یەکشەممە رێکەوتی ٢٣ی ئابی ٢٠٢٦ بە سەرپەرشتی باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی لە شاری سلێمانی لە هەنگاوێکی نوێدا بۆ بەهێزکردنی رۆڵی کۆمەڵگەی مەدەنی و بەرەنگاربوونەوەی ئاڵۆزییەکانی جیهانی دیجیتاڵی لە وۆرکشۆپێکدا، دامەزراوەی سەرۆک جەلال تاڵەبانی بە هەماهەنگی لەگەڵ رێکخراوی نەتەوە یەکگرتووەکان بۆ پەروەردە، زانست و رۆشنبیری (یونسکۆ) بە بەشداری کۆمەڵێک رۆژنامەنووس و پاڵپشتیکردنی دامەزراندنی «پەیمانی مەدەنی بۆ پەیوەندیی کۆمەڵایەتی» لە عێراق کرد.

​ئەم هەنگاوە ئامانجی دروستکردنی فەزایەکی دیجیتاڵیی هۆشیارتر و بەرپرسیارانەیە لەڕێگەی کارکردن بۆ چەسپاندنی کلتووری دیالۆگ، پێکەوەژیان و ئاشتیی کۆمەڵایەتی لە عێراقدا.

ئامانجێکی دیکەی ئەم وۆرکشۆپە بەرپەرچدانەوەی زانیاریی چەواشەکارانە و رووبەڕووبوونەوەی وتاری رق و کینەیە لە تۆڕە کۆمەڵایەتییەکاندا.

​بەشداربووەکان جەختیان لەوە کردووتەوە کە چالاککردنی رۆڵی رێکخراوەکانی کۆمەڵگەی مەدەنی لەم قۆناغەدا، فاکتەرێکی بڕیاردەر دەبێت بۆ پاراستنی ئاسایشی کۆمەڵایەتی و رێگریکردن لە بەلاڕێدا بردنی رای گشتی لەڕێگەی پلاتفۆرمە دیجیتاڵییەکانەوە.

جێگەی وەبیرهێنانەوەیە ئەم وۆرکشۆپە بۆ رۆژی دووەم لە رێکەوتی ٢٤ی ئابی٢٠٢٦ لە شاری سلێمانی- هۆتێل تایتانیک- بەردەوام و دەبێت و تاوتوێ چەندتەوەرەیەکی دیکە بۆ پاڵپشتیکردنی دامەزراندنی «پەیمانی مەدەنی بۆ پەیوەندیی کۆمەڵایەتی» دەکات.

ئەم وۆرکشۆپە دەرئەنجامی سەردانی شاندێکی پێشووتری دامەزراوەی سەرۆک جەلال تاڵەبانی بوو بۆ بەغداد و کۆبوونەوەیان لەگەڵ دکتۆر زیا سابت ئەلسەرای، بەرپرسی کەرتی پەیوەندی و زانیاری لە نووسینگەی یونسکۆ لە عێراق لەو کۆبوونەوەیەدا بڕیاردرا بە ئەنجامدانی وۆرکشۆپێک بەمەبەستی تاوتوێکردنی ڕێگاکانی بەهێزکردنی هاوکاری دامەزراوەیی و راگەیاندنی بەرنامەیەکی کاری هاوبەش لە بوارەکانی پەروەردە، ڕاگەیاندن، ڕۆشنبیری و بەهێزکردنی تواناکانی گەنجان