له‌ ماڵی جه‌واهیری... دامه‌زراوه‌ی سه‌رۆك جه‌لال تاڵه‌بانی په‌یوه‌ندیی مێژوویی سەرۆک مام جەلال و گه‌وره‌شاعیری عه‌ره‌ب بە بیر دێنێته‌وه‌

له‌ ماڵی جه‌واهیری... دامه‌زراوه‌ی سه‌رۆك جه‌لال تاڵه‌بانی په‌یوه‌ندیی مێژوویی سەرۆک مام جەلال و گه‌وره‌شاعیری عه‌ره‌ب بە بیر دێنێته‌وه‌
​رۆژی دووشه‌ممه‌ ١٤ی ئه‌یلوولی٢٠٢٦، شاندێكی دامه‌زراوه‌ی سه‌رۆك جه‌لال تاڵه‌بانی – نوسینگه‌ی بەغداد، سه‌ردانی ماڵی شاعیری گه‌وره‌ محەمەد مەهدی جەواهیری كرد و له‌گه‌ڵ خاتوو خه‌وله‌ موسا ئه‌لخه‌زره‌جی، به‌ڕێوه‌به‌ری به‌شی کاروباری كه‌لتوری و گه‌شتیاری له‌ ئامانه‌ی بەغداد كۆبووەوە.

​هه‌ردوولا تاوتوێی ڕێگه‌كانی هاوكارییان كرد بۆ سازدانی چالاكی و به‌رنامه‌ی كه‌لتوری كه‌ گرنگی به‌ پاراستنی یادەوەریی نیشتمانی و ناساندنی كه‌له‌پووری كه‌سایه‌تییه‌ ئه‌ده‌بی و فكری و نیشتمانییه‌كان ده‌ده‌ن، به‌تایبه‌ت ئه‌و كه‌سایه‌تییانه‌ی رۆڵیان هه‌بووه‌ له‌ پێكهێنانی دیمه‌نی كه‌لتوری عێراقدا.

​له‌م سه‌ردانه‌دا، په‌یوه‌ندییه‌ تایبه‌ته‌كه‌ی نێوان سه‌رۆكی كۆچكردوو جه‌لال تاڵه‌بانی و گه‌وره‌شاعیری عه‌ره‌ب محەمەد مەهدی جەواهیری به‌بیر هێنرایه‌وه‌؛ په‌یوه‌ندییه‌ك كه‌ سنووری سه‌رسامبوونی به‌ شیعر و ئه‌ده‌بی تێپه‌ڕاندبوو بۆ رێزلێنانی قووڵ بۆ رۆڵی كه‌لتور و رووناكبیران له‌ ژیانی عێراقدا.
سەرۆک مام جەلال گرنگییه‌كی تایبه‌تی به‌ جه‌واهێری ده‌دا و سوور بوو له‌سه‌ر پشته‌وانیكردنی پێگه‌ و كه‌له‌پووره‌ ئه‌ده‌بییه‌كه‌ی، له‌سه‌ر ئه‌و بڕوایه‌ی كه‌ پاراستنی یادەوەریی كه‌لتوری به‌شێكه‌ له‌ پاراستنی یادەوەریی نیشتمانیی عێراق.

​هه‌ردوولا جه‌ختیان له‌سه‌ر گرنگی زیندووكردنه‌وه‌ی ئه‌م په‌یوه‌ندییه‌ و پێشكه‌شكردنی به‌ نه‌وه‌ نوێیه‌كان كرده‌وه‌، ئه‌ویش له‌ڕێگه‌ی چالاكیی كه‌لتوری هاوبه‌ش كه‌ شایسته‌ی كه‌له‌پووری جه‌واهیری و پێگه‌ی سەرۆک مام جلال بێت و رۆڵی هه‌ردوو لایان له‌ كه‌لتور و ژیانی نیشتمانیی عێراقدا بیر بێنێته‌وه‌.