بەرهەمە چاپکراوەکانی دامەزراوەی سەرۆک جەلال تاڵەبانی بەشدارە لە 78 هەمین پێشانگەی نێودەوڵەتیی کتێبی فرانکفۆرت

پێشانگەی نێودەوڵەتیی کتێبی فرانکفۆرت یەکێکە لە دیارترین پێشانگە جیهانییەکان کە ساڵانە زیاتر لە 4000 دەزگای چاپ و بڵاوکردنەوە لە تەواوی جیهانەوە بەشدارن، زیاتر لە 3637 کۆڕو سیمینار ئەنجامدەدرێت و زیاتر لە 8000 رۆژنامەنووس بەشدارە، 350000 هەزار سەردانکەری هەیەو بەیەکێک لە چالاکییە رۆشنبیری کەلتوورییەکان لەسەر ئاستی جیهان دادەندرێت.

بەرهەمەچاپکراوەکانی دامەزراوەی سەرۆک جەلال تاڵەبانی بە زمانەکانی کوردی عەرەبی ئینگلیزی تورکی فارسی بەشدارەو دەرفەتێکی گرنگ رەخساوە بۆ ئاڵوگۆڕی رۆشنبیری، بواری چاپ و بڵاوکردنەوە، لەگەڵ ناوەندە رۆشنبیرییەکانی رۆژهەڵاتی ناوەڕاست و جیهان.